Tuis. 11

Lamkoftas

Koftas is Marokko se hamburger op

’n stokkie.

Genoeg vir 8 koftas

(afhangend van die grootte)

Bereidingstyd: 30–40 minute

Gaarmaaktyd: 8–10 minute

• 5 ml komynsaad


• 25 ml vinkelsaad


• 25 ml koljandersaad


• 12 kg lamsmaalvleis


• ’n hand vol Italiaanse pietersielie gekap


• 2 eiers geklits


• 2 knoffelhuisies gekneus


• 75 g amandels fyngekap


• 5 ml rissievlokkies


• 5 ml sout


• varsgemaalde swartpeper na smaak


• sap van 1 suurlemoen


• 250 ml droë broodkrummels

1 Stamp al die speserysade saam fyn

in ’n vysel.

2 Voeg dit dan by die res van die

bestanddele en meng goed. Vorm sowat

60 ml van die vleismengsel in ’n worsie

rondom ’n sosatiestokkie; herhaal met die

res van die vleismengsel. Verf die koftas met

’n bietjie olyfolie.

3 Braai vir sowat 8 minute oor matige kole

of onder ’n warm roosterelement. Draai

hulle kort-kort om tot hulle deurgaar is. Sit

voor met platbrode taboeli en jogurtsous.

Wenk Bedek die koftas en laat hulle in

die yskas rus tot wanneer jy hulle wil braai.

Dit help nie net om die geure te laat meng

nie maar verhoed ook dat die vleis van die

stokkies afval tydens die braai.

Taboeli (Tabbouleh)

Plaas 250 ml bulgurkoring in ’n bak en

bedek dit met warm water. Laat staan vir

10 minute dreineer en druk droog. Meng

met 125 ml fyngekapte Italiaanse

pietersielie 30 ml fyngekapte vars ment

2 rooiryp tamaties (ontpit en in blokkies

gesny) ½ komkommer (in blokkies gesny)

1 rooi ui (fyngekap) 60 ml olyfolie 30 ml

vars suurlemoensap en 2 gekneusde

knoffel huisies. Bedek en laat vir 2 uur in

die yskas staan sodat die geure kan meng

en ontwikkel. Roer af en toe. Sit teen

kamer temperatuur voor met jogurtsous

(sien bl. 109).

Eiervrugslaai

’n Heerlike slaai met ’n intense geur omdat

die rokerige geroosterde eiervrug en

speserye mekaar so goed aanvul.

Genoeg vir 4–6 porsies

Bereidingstyd: 45 minute

Gaarmaaktyd: 30 minute

• 1 kg heel eiervrugte


• 90 ml olyfolie


• 3 knoffelhuisies in dun skyfies gesny


• 5 ml koljandersaad


• 10 ml komynsaad


• 1–2 groot ryp tamaties skilletjies
  afgetrek gekap


• 75 ml paprika


• 75 ml gekapte vars Italiaanse pietersielie


• 90 ml gekapte vars koljander


• 75 ml vars suurlemoensap


• sout en varsgemaalde swartpeper
  na smaak

1 Rooster die heel eiervrugte oor ’n gasvlam

of oor die kole totdat die skil bros en

gerooster en die vlees sag is. Verwyder van

die hitte en laat afkoel.

2 Sny dan die stingelente af en trek die skille

af. Sny die eiervrug in blokkies. Verhit die

olyfolie in ’n pan en braai die knoffel vir ’n

paar sekondes daarin. Voeg die koljander- en

komynsaad by en roer deur totdat die geure

begin ontwikkel.

3 Voeg die eiervrug tamatie paprika

pietersielie die helfte van die koljander en

die suurlemoensap by. Roer deur en geur

met sout en swartpeper. Laat prut vir sowat

20 minute maar roer af en toe. Die eier vrug

is gereed sodra dit nie meer waterig is nie.

Voeg die oorblywende koljander by en sit

voor teen kamertemperatuur. >>

Marokkaanse

gevlekte hoender

Met so ’n geurige kombinasie van

speserye uit Noord-Afrika word gewone

hoender eksotiese koningskos.

Genoeg vir 4–6 porsies

Bereidingstyd: 45 minute

Gaarmaaktyd: 1 uur 30 minute

Oondtemperatuur: 200 °C

• 60 ml olyfolie


• 45 ml fyn koljander


• 45 ml heel komyn


• 10 ml kaneel


• 3 knoffelhuisies gekneus


• 1 groot heel hoender


• 2 x 400 g-blikke kekerertjies


• 250 ml hoenderaftreksel


• sout en varsgemaalde swartpeper


• 125 g vars kersietamaties

1 Voorverhit die oond. Meng die olyfolie

koljander komyn kaneel en knoffel.

Gebruik ’n kombuisskêr en knip die

rugbeen van die hoender los. Jy gaan dit nie

gebruik nie; vries dit en gebruik later vir

hoenderaftreksel.

2 Draai die hoender om en druk dit met

jou handpalm plat om dit oop te vlek.

Dreineer die kekerertjies en spoel af onder

koue lopende water. Keer die kekerertjies uit

in ’n oondbak en giet die aftreksel oor. Plaas

die gevlekte hoender bo-op en geur met

sout en swartpeper; vryf die hoender met

die spesery-olie in. Bedek die bak met foelie

en rooster vir sowat 1 uur in die oond.

3 Verwyder die foelie strooi die kersie-

tamaties oor en oondrooster vir nog sowat

30 minute of tot die hoender goudbruin en

gaar is. Sit voor met hoemoes.

Hoemoes

Maak ’n dag vooraf vir die beste geur.

Dreineer 2 x 400 g-blikke kekerertjies

en verwerk dit saam met 60 ml tahini

4 gekneusde knoffelhuisies die sap van

een suurlemoen 60 ml olyfolie 25 ml fyn

komyn 25 ml rooipeper 25 ml paprika en

sout na smaak in ’n voedselverwerker (of

met ’n staafmenger) tot ’n romerige

tekstuur. Proe en geur met ekstra

suurlemoensap sout en speserye indien

nodig. Drup ’n bietjie ekstra olyfolie oor

voordat dit voorgesit word en sprinkel

paprika oor as garnering.

Marokkaanse

kos word met

goeie bestanddele

en eenvoudig berei

maar dis gelaai

met smaak.

110 tuis November 2017

hoofkos