komoiboros, buuk teks boros Kadazandusun, buuk sukuon om jurnal boros
Kadazandusun di naasil. Ahal dilo mogowit kobolingkaangan tu apagon kopio
o monoonoriuk toi ko’ mokiikinobos do mogihum sukuon ponokodung soira
momonsoi isoiso ponuatan kokomoi ginama. Mantad do kobolingkaangan di
nakatayad id sawat, sabaagi songulun tanak Dusun id Kampung Turuntungon,
adadi no do iso tongunggon ku montok do monoriuk ginama id kampong ku tu
okon ko nopo yoho nga isai podi oo moningolig tinungkusan diti.
1.3 TUDU OM TUHOT PONORIUKAN
1.3.1 TUDU PONORIUKAN
I. Mongilo do kasandadon ginama koubasanan tinaru Dusun id
Kampung Turuntungon Ranau, Sabah.
II. Mogilo karalano papataan do ginama koubasanan tinaru Dusun
id Kampung Turuntungon Ranau, Sabah.1.3.2 TUHOT PONORIUKAN
I. Nunu o kasandadon ginama koubasanan do Tinaru Dusun id
Kampung Turuntungon Ranau, Sabah?
II. Poingkuro karalano papataan do ginama koubasanan tinaru
Dusun id Kampung Turuntungon Ranau, Sabah.1.4 SKOP OM RONTOB SORIUK
Ponoriukan nopo diti nga poindalanon id Kampung Turuntungon, Ranau,
Sabah i kapaampayat do informan di abaal om kaanu manahak do toilaan di
bobos tosonong kokomoi do mooi do kaanu monimung do data kokomoi do
ponoriukan (Basri, 2012). Sumusuhut, pinosontob o ponoriukan diti montok do
mogilo kasandadon om karalano papataan ginama koubasanan tinaru Dusun
id Kampung Turuntungon Ranau, Sabah. Suai ko’ ilo, skop nopo do