viABSTRAK
Ginama koubasanan nopo diti nga nunu-nunu nopo kakamot tinungkusan di
gunoon montok mamagakom do dupot id tindal toi ko’ id waig i oguno sabaagi
iso medium kaakan-akanan om nogi pongilag di tongo dupot mongoi
pomorumbak do tanom-tanom id dumo. Mantad dilo, pinoindalan o ponoriukan
diti montok monorisid kokomoi kasandadon ginama om karalano do papataan
ginama koubasanan tinaru Dusun id Kampung Turuntungon Ranau, Sabah.
Ahal dilo tu, siilo om opusou tomod i monoonoriuk do mongilo kogingohon
kokomoi ginama koubasanan tinaru Dusun id Kampung Turuntungon Ranau,
Sabah. Ponoriukan nopo diti nga ponoriukan etnografi i momoguno do
ponginsamakan kualitatif om ralan nopo do monimung asil ponoriukan nga
momoguno kaida’ ponorubungan, pogintangan om analisis dokumen. Dadi,
mantad asil soriuk, kiwaa limo ginama koubasanan tinaru Dusun id kampung
Turuntungon Ranau, Sabah ii no id tindal nopo nga sungul, barabai om rodsot,
i nopo id waig nga bubu om tambong. Tikid nopo do ginama dilo nga
pinogitungkus-tungkusan mantad komolohingan di laid om winonsoi nogi
mantad do kakamot dii aanu mantad posorili sandad miagal ko’ wakau, poring,
wulu, lias, lingkong, tompurung piasau om kokoyuan. Kiwaa nogi o karalano
do papataan ginama di otopot mooi do osulung i ginama winonsoi. Mantad do
asil ponoriukan dilo, oponsol tomod do tamangan iti ginama koubasanan mooi
do kaanu potungkuson kumaa sumolusuk sumusuhut.
Boros toponsol: Ginama koubasanan, Kampung Turuntungon, kasandadon,
Karalano papataan,