unë e vrava verën -LIBËR me kopertinë
unë e vrava verën
- Kishte ndryshuar ngjyrën e avllisë. Ishte më e bukur, krem me
nuanca vishnjë të lehtë. Më pëlqeu, - vazhdoi ajo të fliste. Heshti pak me
sytë të ngulur në dysheme. Vështrimi i saj mori një hije trishtimi. Ngriti sytë
nga dyshemeja dhe vazhdoi:
- Mbas kushedi sa orësh pritjeje, duart e mia vërtitnin me nervozizëm
telefonin, duke më penguar t‟i bëja një thirrje. Dritë-hijet në tokë ishin bërë
më të egra. Pemët tashmë ishin të frikshme. Asgjë nuk ishte mikluese si
më parë. Kisha humbur në mendime të zymta ato çaste, kur dëgjova
uturimën e makinës së tij. Zbriti. As sytë nuk m‟i hodhi. As përshëndetjes
sime nuk iu përgjigj. Hapi bagazhin, nxorri që aty disa qese supermarketi, i
mori në të dyja duart dhe si bëri ato pak hapa që na ndanin, qëndroi para
meje me një vështrim të huaj dhe të ftohtë dhe më tha:
- Tani fillove të më zësh pritë edhe para derës së shtëpisë?
Mori frymë thellë, u mat të bënte hapin tjetër drejt portës, por ndërroi
mendje. U kthye përsëri nga unë duke më thënë:
- Maft më, kuptoje, jemi ndarë, përfundimisht këtë herë!
Zgjati dorën drejt portës së hekurt të avllisë, e tërhoqi me forcë, duke
shfrehur gjithë inatin që kishte ato çaste mbi të. Ajo gërvishtje ulëritëse dhe
ankuese njëkohësisht, më dogji shpirtin. Ajo mbyti fjalët e mia përpëlitëse.
- Nuk mundem pa ty. Të lutem, edhe një mundësi, vetëm një! Kaq
kohë bashkë...
Qëndroi. Si duket fjalët e fundit i dëgjoi. E kuptova nga reagimi i tij i
stuhishëm.
- Kaq kohë bashkë nuk bëjmë gjë tjetër. Japim mundësira në një
lidhje që ka mbarur prej kohësh.
Fjalia e fundit më theri në zemër. Prej kohësh... Unë dija që ishim
ndarë para tre muajsh, jo prej kohësh. Kishte mbaruar prej kohësh... Pemët