Non riciata a la Chiana filu d’erbaEri musica jazz, Azzola, swing
e rock,
assustu di la notti e rantulu
di lu jornu,
risata di surgiva
ca sgriccia supra coculi a la ribba
di San Marcu d’Alunziu,
pruvulazzu
di stiddri a zuttijata di libbici
dintra cannitu trivulusu,
nanfara
di bizzocca ca scudduria rusarii
di litanii davanti a la cappella
di lu Bamminu di Praga,
tracò
straddatu a picca a picca,
baju musciulu
di cagnola,
lamentu e schigghiatina
di pruvenza ca mmesti cerza,
e abbrami
di ramagghia ca sciodda sbarruannusi