Tuis. 01

Steurgarnaal-en-

avo-happies

Die garnaalkelkie-voorgereg uit die jare

70 en 80 is dalk nie meer in die mode nie

maar die kombinasie van romerige avokado

en pikante steurgarnale bly immergroen.

Genoeg vir 4 as voorgereg

Bereidingstyd: 25 minute

Gaarmaaktyd: 10 minute

• 12 vierkantige wonton-deegvelletjies


• kanola-olie


• 12 gaar steurgarnale


• 80 ml Franse mayonnaise


• 15 ml tamatiesous


• 3 ml rooipeper


• ’n paar druppels Tabascosous


• 1 groot ryp avokado


• lemmetjiesap


• 1 klein komkommer


• ’n strooisel mikrokruie

1 Sny die wonton-velletjies middeldeur in

driehoeke. Hou hulle twee-twee op mekaar

anders is hulle geneig om te brand – jy

behoort dus 12 driehoeke te hê. Verhit 1 cm

olie in ’n klein kastrol en diepbraai die

wontons tot goudbruin bros en borrelrig.

Dreineer op kombuispapier.

2 Sny die steurgarnale in die helfte deur en

meng met die mayonnaise tamatiesous

rooipeper en tabasco. Proe en geur na

smaak met sout en peper. Sny die avokado

in skyfies en geur met die lemmetjiesap

sout en peper. Skil en ontpit die

komkommer en sny dit in dun stokkies.

3 Om saam te stel sit twee of drie wonton-

driehoekies op ’n bordjie plaas twee

souserige steurgarnaalhelftes avokado-

skyfies en komkommer op elkeen en rond

af met mikrokruie. Sit dadelik voor.

Kasjoeneut-en-

klappermelknoedels

Sonder die steurgarnale en hoender maak

dié geurige souserige noedels ook ’n lekker

vegetariese gereg.

Genoeg vir 4 ruim porsies

Bereidingstyd: 25 minute

Gaarmaaktyd: 20 minute

• 50 g kasjoeneute in peri-peri-speserye


• 1 knoffelhuisie


• 2 rooi brandrissies
  
  
  • 5 ml borrie
  
  
  • 2 cm vars gemmer geskil
  
  
  • 30 ml vars koljander
  
  
  • 3 sprietuie gekap
  
  
  • 15 ml garnaalpasta
  
  
  • 60 ml olie
  
  
  • 2 hoenderborsies in
    stukke gesny
  
  
  • 1 stingel sitroengras gekneus
  
  
  • 250 ml klappermelk
  
  
  • 250 ml warm water
  
  
  • 12 steurgarnale afgedop
  
  
  • 125 ml bevrore ertjies
  
  
  • 12 ertjiepeule oopgemaak
  
  
  • 350 g glasnoedels gaargemaak
  
  
  • boontjiespruite vir garnering
  
  
  
  

1 Verwerk die kasjoeneute knoffel rissies

borrie gemmer koljander sprietuie en

garnaalpasta saam met 45 ml olie om ’n

pasta te vorm.

2 Verhit die res van die olie in ’n groot

braaipan en braai die hoender tot goud-

bruin. Voeg die geurpasta by en braai vir

nog ’n minuut. Voeg die sitroengras

klappermelk en water by en bring tot

kookpunt. Roer die steurgarnale ertjies

en ertjiepeule by en laat prut vir sowat

5 minute saam tot gaar en geurig. Verwyder

die sitroengras en geur met sout en peper

(of gebruik sojasous).

3 Verdeel die noedels tussen vier bakkies

en skep die klappersous bo-oor. Strooi die

boontjiespruite oor en smul dadelik.

Rumkoek

’n Soete verleiding met skop en net vir

grootmense. Ek het die resep aangepas uit

Mari-Louis Guy en Callie Maritz seKoeke

ter viering van liefde en lewe– ’n moet-hê

vir jou bakboek-versameling.

Maak 1 koek

Bereidingstyd: 25 minute

Baktyd: 40 minute

• 125 g botter by kamertemperatuur


• 250 g (3125 ml) ligte bruinsuiker


• 2 eiers geklits


• 300 g (535 ml) koekmeel gesif


• 30 ml klapper


• 15 ml bakpoeier


• knippie sout


• 250 ml klappermelk


• 60 ml rum


• 5 ml vanieljegeursel


• gerasperde skil van 1 lemmetjie
  
  
  • 200 g gemengde neute grofgekap
    RUMSOUS
  
  
  • 120 g botter
  
  
  • 200 g (250 ml) ligte bruinsuiker
  
  
  • 60 ml water
  
  
  • 100 ml rum
  
  
  
  

1 Voorverhit die oond tot 180 °C. Klits die

botter en suiker saam tot romerig. Voeg die

eiers een vir een by en klits ná elke

byvoeging tot goed gemeng. Meng die meel

klapper bakpoeier en sout en meng dié

mengsel om die beurt met die klappermelk

by die eiermengsel. Voeg laastens die rum

vanielje suurlemoenskil en neute by en

giet in ’n gesmeerde ringkoekpan. Bak vir

40 minute of tot ’n toetspen skoon uitkom.

2 Maak die rumsousSmelt die botter

suiker en water saam en bring tot kookpunt.

Laat prut vir 3 minute. Roer die rum by en

giet die helfte van die sous oor die warm

koek sodra dit uit die oond kom. Wag tot al

die sous ingetrek het voordat jy die koek

uitkeer. Bedruip met die res van die sous

net voor jy dit voorsit.

Yskastertmet

gemmerkoekies

Jy kan dié yskastert ook met ’n koekiekors

in ’n plat bak maak en in blokkies voorsit.

Genoeg vir 6–8 porsies

Bereidingstyd: 35 minute

• 1 houer (230 g) mediumvet-roomkaas


• 1 blik kondensmelk


• 125 ml suurlemoensap


• gerasperde skil van 1 lemoen en
  1 suurlemoen


• 125 ml Orley Whip


• 8 gemmerkoekies gekrummel


• vars vrugte soos aarbeie kiwivrug
  mango en bessies

1 Klits die roomkaas tot net glad. Voeg die

kondensmelk suurlemoensap en die

lemoen- en suurlemoenskil by en klits tot

net gemeng. Giet die Orley Whip in ’n aparte

bak klits tot stywe punte vorm en vou dit by

die kondensmelkmengsel in.

2 Skep nou ’n teelepel vol koekiekrummels

onder in 6 mooi mengeldrankieglase of

bakkies rangskik ’n dun lagie vrugte bo-op

gevolg deur ’n groot skep kaasmengsel.

Herhaal tot die glase vol is. Sit in die yskas

tot jy gereed is om dit voor te sit. >>

114 tuis Januarie 2017

tropiese kos