Tuis. 02

Stadiggeroosterde

lamsboudmetjogurt

komkommerenment

Genoeg vir 8
Bereidingstyd: 45 minute
Gaarmaaktyd: 4 uur

• 2–3 heel bolle knoffel middeldeur gesny


• 10 ml soutvlokkies


• 5 ml heel peperkorrels


• 15 ml elk gedroogde origanum en ment


• 1 takkie roosmaryn


• 1 reep suurlemoenskil


• 5 ml paprika


• 1 rooi brandrissie gekap


• 15 ml heel koljander gerooster


• 5 ml heel komyn gerooster


• 60 ml olyfolie


• sowat 15 ml suurlemoensap


• 125 ml dik Griekse jogurt


• 15 kg lamsboud ontbeen

SLAAI

• 4 klein Mediterreense komkommers


• 6 mini-komkommers


• ’n groot hand vol mentblare grofgekap


• 5 basilieblare geskeur


• 30 ml gekapte grasuie


• sap van ½ suurlemoen


• 10 ml olyfolie


• varsgemaalde swartpeper


• 250 ml Griekse jogurt

1 Voorverhit die oond tot 160 °C. Druk die
knoffel uit die huisies van die afgesnyde
bo-deel van die knoffelbolle en sit dit saam
met die sout peper origanum ment
roosmaryn suurlemoenskil paprika
brandrissie heel koljander en komyn in ’n
vysel. Maal rofweg met die stamper tot ’n
geurige pasta. Voeg die olyfolie en
suurlemoensap geleidelik by en meng dan
met die jogurt. Smeer oor die boud en vryf
sodoende al die geure in. Sit die lam saam
met die res van die knoffelbolle in ’n
oondbak met ’n digsluitende deksel en giet
sowat 60 ml water onder in die bak. Maak
styf toe en sit dit in die oond vir sowat 3 uur.
Die idee is dat die lam baie sappig en sag
moet wees maar steeds sy vorm behou.
Toets die vleis en besluit self of jy dit nog ’n
bietjie wil rooster.

2 Haal die vleis uit die oond en bedruip dit

met die sous in die oondbak. Verhoog die

oondtemperatuur tot 180 °C en rooster

sonder die deksel vir 15–30 minute of tot

die bokant van die boud mooi bruin is. Laat

rus die vleis vir sowat 15 minute voordat jy

dit sny.

3 Vir die slaai skil die Mediterreense

komkommers en verwyder die pitte (jy kan

dit inlos ook maar dit trek water). Sny die

geskilde komkommer in blokkies en die

mini-komkommers in ringetjies en geur

goed met sout. Laat vir sowat 15 minute in

’n vergiettes oor die wasbak staan.

4 Druk al die vog uit die komkommer en sit

dit in ’n bak. Meng nou die ment basilie en

grasuie by en geur met die suurlemoensap

olyfolie en swartpeper. Meng die jogurt deur

of skep dit in ’n mooi opdienbakkie soos

ons gemaak het.

5 Om voor te sit sny die lam in dun skyfies

teen die draad en meng met van die

pansouse. Sit voor met die komkommer-

en-mentslaai platbrode of pitas.

Wenk Nog ’n lekker bykos is keker-ertjieslaai

met gebraaide eiervrug kersietamaties en

gebraaide uie.

Roosaartappels

Genoeg vir 12 rose so groot soos ’n muffin

Bereidingstyd: 50 minute

Baktyd: 1 uur

• 45 ml botter


• sowat 1 kg mediumgroot
  aartappels (ons het geel
  Mediterreense aartappels gebruik)


• 125 ml fyngerasperde parmesaankaas


• seesoutvlokkies en varsgemaalde
  swartpeper


• 250 ml dikroom


• ’n ruim knippie neutmuskaat

1 Voorverhit die oond tot 180 °C. Smeer die

holtes van ’n gewone muffinpan mildelik

met botter. Knip 24 repe bakpapier 1 cm

breed en plaas twee oorkruis in elke holte.

Dit gaan help om die gaar rosies uit te lig.

2 Was die aartappels goed maar dis nie

nodig om hulle te skil nie. Gebruik ’n baie

skerp mes of ’n mandolien en sny ’n kwart

van die aartappels (sowat 250 g) in baie dun

skyfies (sowat 1 mm dik) oor die breedte.

Die grootte van die aartappels en die dikte

van die skyfies gaan bepaal hoe delikaat jou

rosies is. Sprinkel nou die gesnyde skyfies

met sout peper en neutmuskaat en sprinkel

van die parmesaan oor. Meng goed deur.

3 Stel saamRol die eerste skyfie aartappel

in ’n dun sigaartjie op – dit is die binnekant

van die roos. Pak nou blaartjies rondom tot

jy ’n mooi roosknop in jou vingerpunte het.

Sit dit versigtig op die bakpapierkruis in die

muffinpan. Pak nou versigtig nog blaartjies

rondom totdat die holte vol is en die blom

volledig lyk. Dit is belangrik om die

aartappelblaartjies styf in te pak anders

gaan die blom nie sy vorm behou nadat dit

gebak is nie. Dis ook belangrik dat daar ’n

goeie verspreiding kaas tussen die lagies is.

Herhaal nou met die res van die gesnyde

aartappels. Sny dan die res van die

aartappels en herhaal totdat die pannetjie

vol is. Die rede hoekom jy nie al die

aartappels aan die begin sny nie is dat dit

kan oksideer en verkleur.

4 Skep nou lepel vir lepel room bo-oor die

rosies. Laat genoeg tyd vir die room om

deur die lagies te syfer voor jy nog byvoeg.

Skep jy te veel gaan dit oorkook; skep jy te

min gaan die aartappels droog bak. Daar

behoort plek vir twee eetlepels room per

roos te wees. Bak vir 1 uur tot die

aartappels sag en goudbruin bo is. Indien jy

ná 45 minute bang is dit bak te donker

bedek die pan vir die laaste 15 minute met

foelie. Laat effens afkoel en lig elke roos met

behulp van die bakpapier uit die holtes. Tog

te mooi! >>

pasmaats

Koskenners se manier van

gaarmaak verskil dalk maar

oor een ding stem almal

saam: Die volmaakte braai-

aartappel is in sy hart ’n

ware softie met ’n bros

goudbruin baadjie.

• Errieda du Toit

Februarie 2017 tuis 115