Tuis. 02

’

’n Bietjie romanties vreugdevol maar tog sag en rustig.

Só beskryf Nan haar oorvloedige roostuin op die mooie

Swellendam.

Nan is ’n roosmens. Deur en deur. Sy kweek ook ander

struike en meerjariges maar hulle moes al baie maal plek

maak vir net nog meer rose vertel sy. Sy het haar tuin self

beplan en die afgelope 11 jaar nie veel aan die basiese

struktuur daarvan verander nie – maar wel baie nuwe rose

aangeplant.

“Ons het voorheen op ’n kleinhoewe in die Hermitage-

vallei net buite die dorp gewoon. Dít is nou die land van

melk en heuning as dit by rose kom! Die grond daar is

effens kleiagtig en klipperig – net wat ’n roos wil hê om goed

te groei. Daar het ek honderde rose gehad. Toe ons elf jaar

gelede dorp toe trek het ek van voor af begin tuinmaak.

Ons het ’n skoon erf gekoop so hier was niks – net

wonderlike leemgrond en genoeg plek om baie van my

gunstelingblomme te plant!” gesels sy.

Stuk-stuk

Nan het ’n ontwerp vir haar tuin geteken

• met rose as eerste prioriteit – en dit toe
  stuk-stuk aangepak. In die voortuin het sy
  die rose min of meer in kleurgroepe
  geplant. Sy plant graag meer as een van ’n
  soort bymekaar saam met pasmaats wat
  kleur betref. Daardeur skep sy ’n vloeiende
  kleureffek.
  In haar agtertuin het sy snyrose soos
  ‘Rina Hugo’ ‘Duet’ ‘Garden Queen’
  ‘Tineke’ en ‘Red ’n Fragrant’ geplant wat
  sy gereeld pluk vir die huis. “Hier is ek nie
  so gepla oor kleurgroepe nie. Ek het ’n
  groot verskeidenheid rose wat almal goeie
  plukblomme is want ek kan nie sonder
  blomme – en veral rose – in my huis
  wees nie.”
  Nan en haar man Piet werk meestal
  self in hul tuin saam met hul tuinhulp
  Koos Rossouw wat met die swaarder werk
  help. “Piet help dooie rose uitsny. Hy maak
  ook vir my kompos ry deklae aan en snoei
  die heinings. Ons tuin se versorging is ’n
  ware spanpoging.”
  Vir Nan is dit heerlik om deur die tuin
  met so ’n oorvloed van haar gunsteling-
  blomme te stap. “Ek kan vir ure van my
  stoep af die mooi van ons tuin bekyk. Ek is
  so bevoorreg om dit om my te hê. Hoewel
  rose al vir jare deel is van my lewe leer ek
  feitlik daagliks iets nuuts oor hulle. Vir my
  is ’n roos waarlik die koningin van die
  blommeryk. Ek kan my lewe nie
  daarsonder voorstel nie!” >>

“Ek was nog altyd lief vir

rose maar die afgelope

jare ná Piet se aftrede

kon ek hierdie liefde

regtig uitleef. My

liefdes verhouding met

rose hou net aan met

groei!” sê Nan.

92 tuis Februarie 2017