Tuis. 04

Charmaine Wakefield het geen verskoning nodig om

haar huis op te dollie nie maar oor Paasfees haal

dié kreatiewe binnenshuise en troustilis alles

uit. Sy het immers in 2013 op Paassondag

ewige trou beloof aan haar man Paul ’n IT-

spesialis daarom sal dié dag altyd ’n

spesiale plek in hul hart beklee.

Die egpaar het hul plaashuis uit die laat-

1800’s in Januarie 2015 gekoop. “Ons het

ons eerste romantiese naweek op Riebeek-

Kasteel deurgebring” onthou Charmaine.

“Paul het toe gesê eendag koop hy vir my ’n

huis hier. Jare later toe ons nog in Wynberg

Kaapstad gewoon het was ons weer in die

omgewing en het ons ons hart op dié huis verloor.”

Al is Paul ’n selfdoen- en houtwerk-liefhebber en loop

Charmaine oor van kreatiewe idees was hulle bly dat al die

nodige strukturele werk aan die huis reeds gedoen was.

Hulle het ook gehou van die Earthcote-mure en -vloere wat

die vorige eienaars aangebring het; dit pas perfek by hul

vintage- Franse dekor.

“Dit was heerlik; ons kon ons stempel op die huis afdruk

sonder enige ingrypende bouwerk” verduidelik Charmaine.

“Ons grootste projek was die swembad – ’n ware pluspunt

in die somer met sy snikhete dae. Ons het ook die dak oor

die kombuis se ou vuurherd vervang met deursigtige

panele om ’n verligte alkoof te skep.”

Ná die klein veranderinge kon hulle die plattelandse lewe

geniet – iets wat hulle teen daardie tyd al goed onder die

knie gehad het. “Voor ons hier gekoop het het ons gereeld

op die platteland kom kuier so ons het gou aangepas” sê

Charmaine. “Nou werk ons naweke in die tuin bly ons

besig met selfdoenprojekte snuffel rond vir tweedehandse

vondste en verken die wyn- en olyfplase van die streek.”

Die Wakefields is ewe gelukkig om naweke by

die huis deur te bring. Dis wanneer Paul wat

elke dag Kaapstad toe pendel kans kry om

’n bietjie houtwerk te doen.

“Ek geniet dit om meubelprojekte in my

werkswinkel aan te pak. Charmaine noem

my sommer Geppetto (die fiktiewe hout-

snyer wat vir Pinocchio geskep het)” sê

Paul laggend. Charmaine leef haar uit met

besonderse uitstallings en dekor: “Die huis

is my skilderdoek en ek kan my ure lank

besig hou met die inkleding daarvan.”

Frans plattelandse styl

Charmaine en Paul het omtrent geen nuwe dekoritems

nie. “As jy deur my hele huis kyk sal jy miskien vyf stukke

kry wat nuut gekoop is” sê sy en lag. “Ek en Paul soek

saam tweedehandse mooigoed; ons versamel van heinde

en verre. Ongewenste skatte van ’n denkbeeldige kasteel

beland hier; goed wat Marie Antoinette sou uitgooi ... Ek

noem dit weggooi- Frans landelike château-styl.”

Wanneer sy gevra word oor die Franse flair wat so

kenmerkend van haar huis is sê sy: “Ek is ’n frankofiel tot

in my wese. Ek is aangetrokke tot ’n kombinasie van

Europese elegansie rustieke landelike styl en ouwêreldse

karakter. Ek is dol oor die stylvolheid en oorspronklikheid

van die Franse en daardie element van ‘losheid’ – hetsy ’n

gekreukelde linneduvet of ’n klassieke portret met

kapmerke in die raam.”

Charmaine se gunsteling-palet bestaan uit ryk kleure

waaronder goud jagtersgroen rooi en roeskleure. Fluweel

brokaat tapisserie toile en antieke linne en tekstiele voeg

karakter by en komplementeer die vintage-meubels en

erfstukke. >>

38 tuis April 2017