Tuis. 04

raad

84 tuisApril 2017

Stuur jou vrae na [email protected].

Maagprobleme

Louise Mason van Port Elizabeth skryf

Ek het ’n baie nuuskierige en uitbundige ses

maande oue hondjie. Ongelukkig het sy

dikwels “glipse”in die huis wat wissel van

effens slap tot heeltemal waterig. Af en toe

braak sy ook. Is dit normaal?

Dr. Guy Fyvie

veeartsenykundige adviseur

by Hill’s Pet Nutrition SA

antwoord Probleme met

spysvertering is seker die

algemeenste probleem wat

veeartse teëkom. Diarree en

braking kan dui op enigiets van ’n

aansteeklike siekte verkeerde of te ryk kos

ooreet wurms stres prikkelbarederm-

sindroom tot kosallergieë – noem maar op!

Omdat jong honde van nature nuuskierig is en

hul immuunstelsel nog nie gevestig is nie sal

hulle hier en daar sukkel met ’n maagkwaal.

Met braking en diarree verloor die liggaam

water en elektroliete en kan dit gou ontwater.

Hou jou troeteldier maar fyn dop – veral jong

hondjies en kleiner rasse. Hoe lusteloser jou

troeteldier hoe ernstiger die geval; net 2%

verlies van liggaamsvloeistof kan ’n dier

lomerig maak 5% verlies kan hulle lusteloos

maak en net 10% kan lewensgevaarlik wees.

Van die gevaarlikste siektes vir ’n jong hondjie

soos die hoogs aansteeklike parvovirus begin

dikwels met braking en diarree. Neem jou

troeteldier liewer veearts toe – liewer bang

Jan as dooie Jan!

Wenke teen omgekrapte pensies

• Koop jou hond by ’n betroubare teler of
  skuiling – maak seker hy of sy is ingeënt en
  ontwurm deur ’n veearts (vra vir ’n amptelike
  inentingskaart).


• Vermy kontaminasie: Moenie ’n hondjie na
  openbare plekke soos parke neem indien hy
  of sy nie ingeënt is nie.


• Ontwurm gereeld (soos deur jou veearts
  voorgeskryf).


• Gee jou hondjie ouderdomsgeskikte kos van
  hoë gehalte. Daar is spesiale kos beskikbaar
  vir troeteldiere met sensitiewe mae en
  allergieë. Vra jou veearts vir raad.


• Pasop vir bederfies langs die kostafel;
  “menskos” kan vet of ander bestanddele
  bevat wat jou hond se maag kan omkrap.


• Moet nooit nat kos buite laat staan nie; dit
  kan bederf. Voer eerder jou troeteldier kleiner
  maar gereelder maaltye.


• Probeer verhoed dat jou hondjie vreemde
  materiaal soos voëlmis eet. Moet dit ook nie
  op jou grasperk gooi nie; dit kan die
  omgewing besmet met wurms.
  KONTAK hillspet.co.za

V&A

b v b a s a v

braking kan dui

En s-t-r-e-k!

Die Maine Coon Tau is

’n soepel kiets. – Lindi

Calitz Centurion

Sit-sit so

Die bokserhond

Shiba het die beste

sitplek ontdek

• so te sê bo-op die
  wors hond Sarge (wat
  glad nie omgee nie)! –
  Belinda Blignaut
  Johannesburg

WEN!

Die eienaars van die diere wie se foto’s hier verskyn wen ’n K9 Castle

en Winter Blankie vir honde of ’n middelslag- Winter Cupcake Bed vir

katte van Wagworld (wagworld.co.za). Al die produkte is by voorste veearts- en

troeteldierwinkels te kry. Die K9 Castle se uitstekende ondersteuning en

duursaamheid maak dit ideaal vir groter honde en die Cupcake Bed net reg vir

katte en kleiner honde is lekker knus en warm. Stuur jou foto’s (minstens 2MB

elk) en volledige kontakbesonderhede [email protected] – dalk is jou

dieremaat ook ’n wenner!Sien ons kompetisiereëls op bladsy 128.

Trots Suid-Afrikaans!

dieremaat ook n wenner!Sien ons kompetisiere