Tuis. 10

Alex en Barrie is die vyfde

geslag Pringles op die plaas

Eildon naby Bedford in

die Oos-Kaap.

Alex het hier grootgeword en Barrie het die plaas 40 jaar gelede

haar tuiste gemaak. “Met my aankoms in die Bedford-distrik

was ek vasbeslote om my wortels hier te vestig; boonop het die

gees van tuinmaak wat in die omgewing heers my besiel.

Dit het eenvoudig vir my sin gemaak om ’n mooi ruimte te skep

waarheen ons ná ’n dag se werk op die plaas kon terugkeer”

gesels Barrie.

Maar dit was eers nadat sy ou foto’s van die huis en tuin

onder oë gekry het dat die tuin sowat 20 jaar gelede tot sy reg

gekom het. Op dié foto’s wat nou nog in die plaashuis se gang

hang kan die oorspronklike tuin gesien word: formeel met

reguit lyne en ’n paadjie in die middel.

“Toe ek die foto’s sien het ek presies geweet wat om hier te

doen. Ons het al die lyne in die tuin reguit gemaak en die vorm

meer struktuur gegee om by die geometrie van die huis te pas.

Alex was net so geesdriftig soos ek oor die verandering. Dit het

net reg gevoel.

“Ek was heeltemal gefassineer deur die potensiaal van ’n

formele ontwerp. Met verloop van tyd het nuwe tuinkamers tot

stand gekom en die res van die tuin ontwikkel tot wat dit

vandag is.”

Eenvoudige ontwerp

Barrie het nooit ’n tuinontwerper gebruik nie maar inspirasie

geput uit al die tuin-entoesiaste wat Bedford se tuinfees elke

jaar besoek en uit tuine waar sy ook al gaan.

“My manier van tuinontwerp is eintlik baie eenvoudig. Ek

begin met die breër konsepte en beplan dan die detail. Eers het

ek tuinslange neergesit vir die buitelyne van die beddings sodat

ek ’n gevoel kon kry van hoe die beddings en fokuspunte sou

lyk. Toe ek gelukkig was met die lyne en vorms is dit met kalk

uitgemerk en is die plan op skaal geteken. Met die finale

ontwerp in die hand is massas van ons eie kompos en

beenmeel by die beddings ingewerk voor enigiets geplant is.”

Barrie spandeer baie tyd in die tuin saam met Simon Adonis

haar regterhand deur al die jare.

“Ek hou baie van die kreatiewe sy van tuinmaak – die

beplanning en uitvoering van nuwe idees en om te sien hoe

dit vorm aanneem. Ons het ’n uiters strawwe klimaat. In die

yskoue winters daal temperature gereeld tot onder vriespunt en

moet ons die minder geharde plante soos tuinheliotrope en

Durantasmet rypdoek toedraai. Maar dit maak die vreugde van

die lente soveel groter wanneer die tuin opnuut lewe en kleur

kry. Dit is dan wanneer ek regtig die ongelooflike beloning van

tuinmaak ervaar!” >>

Die twee wit pilare oorspronklik hekpale vorm
’n natuurlike ingang na die formele roostuin.

In die lente met die rose in

volle blom is Barrie se tuin ’n

skouspel van kleur.