Tuis. 12

Peperwortel

(Armoracia

rusticana)

As jy jou somerslaaie

en kouevleis ’n

bietjie byt wil gee

plant peperwortel –

jy kan die blare én

die wortels gebruik.

Kweek dit soDié meerjarige

krui groei in volson en goedgedreineerde

komposryke grond. Dit dra in die lente ’n bos

sterk blare en wit blomme. In die winter gaan

dit dood tot dit weer in die lente nuwe groei

uitstoot. Gee die plant genoeg ruimte om tot

1 m wyd te sprei. Peperwortel hou

komkommer- en aartappelkewers weg; of

maak ’n treksel van die blare of wortels en

gebruik dit as ’n spuitmiddel teen swamme

vir vrugtebome.

Wenk van die maandDie beste tyd om die

wortels te oes is in die herfs maar jy kan

enige tyd van die jaar vars wortels uittrek.

Vries die wortels vir tot 6 maande maak

peperwortelsous of lê dit in asyn in.

Het jy geweet?Die wortels is baie voedsaam;

dit bevat vitamien C en baie minerale. Kap

die blare fyn en meng dit by jou honde se

kos om hul spiertonus te verbeter en wurms

te verdryf.

Algemene probleemDie plant is geneig om

indringend te groei; beheer sy verspreiding

deur in die herfs al die wortels uit te lig.

GebruikeRasper die wortel in koolslaai

doopsouse ingelegde beet roomkaas

mayonnaise en avokado-vulsels maak ’n

sous om saam met beesvleis voor te sit of

voeg dit by ’n slaaisous wat vis of hoender

komplementeer. Gebruik ook die jong blare

in ’n slaai. Die wortels het antiseptiese

eienskappe stimuleer spysvertering en

bloedsomloop en help om asemhalings-

infeksies en sinusprobleme te verlig. >>

KONTAKhealthyliving-herbs.co.za

Krui van die maand

Nuut in die kwekery

‘Strawberry Blonde’-afrikaners spog met pragtige nuwe pastelkleure soos pienk roos en

geel – maar met ’n kinkel: In warmer weer is die blomme geelpienk terwyl die pienkpers

kleur uitkom in koeler weer. Die plante is gerond en bosagtig en wanneer hulle eers

gevestig is kry niks hulle onder nie. Plant hulle in volson in komposryke grond. Hulle vaar

uitstekend in ’n pot en is veral treffend in plate van dieselfde kleur.

‘Strawberry Blonde’-afrikaners

Krismisrose

Koel somerkleur

Blou plante skep altyd ’n koel gevoel

op ’n warm dag ongeag watter

skakering jy in jou tuin het. Diegene wat

dink blou op sy eie is te saai kan dit

ophelder met silwergrys loof of kolle

geel suurlemoen-petunias madeliefies

daglelies of Achillea.

Krismisrose blom in blou of pienk

afhangend van die grond en water-

voorraad. Ouer variëteite maak

uitstekende agtergrondstruike in

gefiltreerde skaduwee en klam grond

uit terwyl moderne kultivars kleiner en

kompakter is – die ideale plant vir

voorlangs in ’n randakker met ligte

skadu of in potte ook in ligte skadu.

Miniatuur- middelslag- of hoog-

groeiende agapante groei in volson met

blomskerms wat wissel van bleekblou

tot ’n dieppers.

Felicias met hul fyn madeliefie-agtige

blomme in ligte of diepblou is netjiese

laaggroeiende struike perfek vir

sonnige rotstuine potte en voor in

’n randakker.

Rond beddingrande en potte af met

blou lobelias en kweek Torenias in ligte

of gedeeltelike skadu.

Foto

Vergelegen-wynlandgoed