Tuis. 12

#

4

GROEN EN

ORGANIES

Natuurlike skoonheid

Toe Linda Evans en Almarie Mead in 2014 Sedgefield toe trek was hulle glad

nie beïndruk met die huis se koue donker hek en ingang nie. “Dit was eintlik

nogal grillerig” sê Linda. “Daar was ’n groot dooie boomstomp in die hoek en

dit was nooit lekker om daar verby te stap nie!” Nadat die paartjie ’n garage

aangebou het moes die ingang se rigting verander; hulle het toe sommer die

kans aangegryp om ’n boogdeurgang te bou en die ruimte oper te laat voel.

“Die perdestertboom was aanvanklik oorgroei van klimop maar toe die hek klaar was het ons dit

oor die boog opgelei wat die ingang versag” sê Linda. Hulle het ook ’n rankjasmyn by die ingang

geplant vir sy lieflike geur. Klein agapante en verskeie grasse wat in skadu gedy is weerskante van

die paadjie geplant. “Ons het al die groenigheid bygesit omdat dit ’n wonderlike manier het om ’n

mens ontspanne te laat voel.”

Potte vol styl

Die voordeur by die Rialheim-keramiekfabriek op

Robertson gee besoekers ’n voorsmakie van wat

binne op hulle wag. Planthouers en kerse op die

trappe bring ’n tikkie romanse in die rustieke ruimte

terwyl die groenigheid pragtig lyk teen die rou

sement-oppervlakke. As jy gaste verwag kan jy

maklik self so maak met mooigoed uit jou huis. Dit

sal jou niks uit die sak jaag nie!

’n Ingang kan ’n boodskap

stuur en ons wou hê ons s’n

moet ‘n hartlike verwelkoming in ons

vreedsame wêreld wees. – Linda

Voor

Mure geverf met

swart Plascon Nuroof

Die groot ronde

sementsirkel (bo) versier met

spoelklippies was eers deel

van ’n buitestort. Dit word

omring deur dieselfde klein

los gruisklip wat in die inrit

gebruik is. Drie sementblokke

lei die oog na die hek.