Mantad dii, kiwaa piipiro kointalangan kokomoi kopoindalanan ababayan
monundait kaampai no sabaagi kakamot komunikasi montok mongilag do
apaasan om popoingkawas sunduan mogiuhup-uhup do momuumutanon
ngaawi daamot kumalaja.
2. A Riddles’ Structure of Iranun in Sabah (2014).
Ponoriukan kokomoi sundait nopo diti nga winonsoi di Asmiaty Amat &
Lokman Abdul Samad montok do struktur om kogunoon sundait id suang
koposion etnik Iranun id Sabah. Ababayan monundait toi ko’ roitan nogi do
etnik Iranun sabaagi Antuka’ nopo nga poindalanon montok kohiakan,
mongilag kopuriman apaasan, mongumbal taang pomuumusorou sosongulun
om popoimbulai do kouyuuyuo’ misompuru. Manahak o ponoriukan diti do
koilaan kokomoi struktur sundait toi ko’ Antuka’ di otigas tumanud tonsi om
bontuk. Poomitanan nopo do struktur sundait kaampai no sundait metafora,
sundait akronim, sundait koligaganan om sundait lucah.
- Collecting and Contextualising Sundait (Riddles) among the Rungus
People of Sabah (2013).
Ponoriukan nopo diti nga pinoindalan di Low Kok On i kitudu do monoriuk om
nogi monimung do struktur sundait id suang koposion etnik Rungus id Sabah.
Mongilo nogi i mononoriuk nokuro tu haro rontob do kopoindalanan ababayan
monundait om nogi konteks tradisional, koubasanan om kotumbayaan i mionit
miampai ababayan monundait dii. Id ponoriukan diti, asil soriuk nopo nga
popohompit do taboo sundait ii no ababayan monundait nopo nga poindalanon
ontok timpu mongomot parai om au milo poindalanon ontok timpu suai id
koposion tikid tadau. Maya do ponoriukan diti, oilaan nogi o legenda sundait
id perspektif do etnik Rungus. Mantad dii, haro o pionitan do ponoriukan diti
miampai tudu ponoriukan di poindalanon ii no mongilo fungsi sosial do sundait
i gunoon do komolohingan maso mongomot parai id Kampung Lokos.
- Toka-Toki Melayu, Kuantan Singingi, Riau: Penutur, Waktu, Bahasa,
Dan Fungsi (2013).
Pinoindalan di Yulita Fitriana o ponoriukan diti montok do mongilo isai o
kohompit id suang pomoinan toka-toki, timpu kopoindalanan dii, boros gunoon