2.5 PONGINTIGASAN
Sabaagi do pongintigasan, bab nopo diti nga popointalang kokomoi teori i
nosiliu do impohon montok ponoriukan diti om nogi ponoriukan nokopogulu
sabaagi sukuon montok koindalanon ponoriukan. Teori nopo di gunoon id
suang ponoriukan diti nga Teori Koubasanan, Teori Antropologi Sastera om
Teori Fenomologi. Suai ko ii, haro nogi apat ponoriukan nokopogulu di mionit
miampai ponoriukan diti tu pinopoilo kokomoi koubasanan kosusasteraan ii no
sundait montok toisoiso tinaru. Oponsol do sumuku ponoriukan nokopogulu tu
osiliu ii sabaagi tituduk om tapanai soira popoindalan do ponoriukan.
Nokointalang nogi o fokus kopoindalanan ponoriukan montok maganu toilaan
di lobi osorisid kokomoi sundait di gunoon do komolohingan soira mongomot
id Kampung Lokos om nogi kolumison boros sundait.