maso mongomot nopo nga koubasanan tulun di laid po id Kampung Lokos om
kosudong nogi kinoyonon diti montok kopoindalanan ponoriukan etnografi
mikro. Okito o peta kinoyonon Kampung Lokos id siriba.
Peta 1: Kampung Lokos3.4 KAIDA OM INSTRUMEN PONORIUKAN
Momoguno o ponoriukan diti do kaida ponorubungan, kaida pongintangan om
soriuk kepustakaan montok kopogonuan om koponimungan do data.
Instrumen ponoriukan nopo nga kakamot di monguhup montok ponimungan
do data. Id suang do ponoriukan kualitatif, kitonggungan toponsol o
mononoriuk tu minog kohompit id toinsanan proses monoriuk.
3.4.1 Kaida Ponorubungan
Gunoon o ponorubungan kistruktur sampapas tu milo do simbanan o
ponguhatan tumanud kosudongon di informan om milo nogi ruhangan o
ponguhatan tumanud sisimbar di informan sokiro siilo miampai loobi aralom
kokomoi toisoiso ahal maamaso proses ponorubungan. Ruhangan o
instrumen diti do kakamot ponokodung miagal do set pongudiaan, poniip
audio, poniip gambar toi ko’ video om buuk nuut. Kopoindalanan
ponorubungan diti sumuku do set pongudiaan i nokotounda id Pinotonggoi A
moi do oulud o koponguhatan om au katangkid o pirumaan montok maganu
data.