3.4.2 Kaida Pongintangan
Maya kaida pongintangan, kaanu i mononoriuk do minsingumbal minsingilo do
woyo ababayan mogisusundait maya koilangan di informan. Haro nogi piipiro
kakamot pongintangan i gunoon sabaagi ponokodung om sukuon soira
momorindak do data om timpu dumontol miagal ko set pongintangan om
rakaman audio tumanud kasagaan do informan. Intangan o Pinotonggoi A
sabaagi instrumen poinggonop montok kaida pongintangan.
3.4.3 Kaida Ponoriukan Kepustakaan
Poindalanon o ponoriukan kepustakaan montok maganu kointalangan om
monokodung data ponoriukan di naanu maya buuk, tesis, luputan, jurnal om
nunu nopo kawo kakamot basaon di suai.
3.5 PROSEDUR PONIMUNGAN DATA
Koponimungan data nopo montok ponoriukan diti nga poindalanon tumanud
do kaida om instrumen ponoriukan di natantu no. Oponsol nogi do onuan
panatalan o aspek etika ponoriukan maya mokianu kasagaan mantad
informan tintod popoindalan do kaida toi ko’ instrumen ponoriukan di pinili.
- 5 .1 Ponorubungan
Maya ponorubungan kistruktur sampapas, mongoi o mononoriuk romut di
informan nopili. Pogulu popotimpuun ponorubungan, minog do mokianu
kasagaan mantad informan montok mamarakam do piromutan miampai diolo.
Onuon o sisimbar diolo sabaagi data om poopion maya kakamot ponokodung
miagal do set pongudiaan, poniip audio, poniip gambar om buuk nuut. Milo
nogi simbanan toi ko’ ruhangan o ponguhatan tumanud kosudongon di
informan om kosuusukupan koilaan dii maan onuo. Data nopo di aanu mantad
kaida diti nga kikoulalaho’ osinggawa, pointongkop om aiso o rontob om kaanu
nogi mombontuk koilaan di ogirot om pointongkop montok momohuyad
ponoriukan kualitatif (Ulfatin id suang ponoriukan di Thalha Alhamid & Budur
Anufia, 2019 ).