ponoriukan diti nga montok do mogigion tinaru Dusun di poingion id Kampung
Turuntungon no, au kosuang i minonompogunan no.
1.5 KAPANSALAN PONORIUKAN
Tumanud do kobolingkaangan di nakatayad, kiwaa piipiro kapansalan do
ponoriukan diti. Kumoiso, oponsol o ponoriukan diti montok monginggumu do
sukuon om ponoriukan kokomoi kasandadon om karalano pataan do ginama
suai ko i nowonsoi mantad. Id ahal diti, poginabasan id taang bobos takawas
nopo nga minog do haro mogisuusuai o sukuon montok monokodung
pinsingilaan diolo dadi maya ponoriukan di poosilon diti kaanu do monguhan
om monguhup mokiikinobos id timbabaon diolo. Ingkaa nogi o ahal diti id sikul
tu, sabaagi songulun mongingia di kikabaalan kokomoi tinaru Kadazandusun,
nuru do ogumu o sukuon damot do mongia’ mooi do tangaanak nopo di ia’on
nga kaanu do monginlaab toilaan diolo kokomoi do koubasanan tinaru.
Suai ko’ ilo, ponoriukan nogi diti nga kaanu monguhup do
podokumentasi ginama koubasanan tinaru Dusun id Kampung Turuntungon
Ranau mooi do au atagak otolon timpu. Id konteks diti, sukod wagu nopo di
babaino nga okuri nodi i koilo kokomoi do ginama koubasanan miagal di
noinganan damot popoindalan ponoriukan tu muhot i monoonoriuk di informan
nung ogumu po o i sukod wagu i koilo kokomoi ginama ka nga sisimbar nopo
diolo om okuukuri no ka. Dadi soira nopo dii do nokoindalan o ponoriukan diti,
milo no do monguhup kosukod-woguan do minsingilo kokomoi kasandadon
om karalano papataan ginama koubasanan tinaru Dusun id Kampung
Turuntungon Ranau, Sabah tu au nopo nga oilaan dati do tulun nopo nga haro
o tinimbagasan di au oilaan soira orikot dadi soira nopo do haro o dokumentasi
nga milo kasari do sukuon om intangan ontok timpu dumontol.
Sumusuhut, oponsol nogi o ponoriukan diti sabaagi iso medium di
koponguhup do manampasi om manamong do koubasanan tinaru Kadazan
Dusun id pogun dati. Miagal di noilaan dati, ginama nopo nga kakamot di
apangkal kopio id koposion komolohingan di pogulu po tu adadi do toud