Maya nopo do ponoriukan id sawat, okito dati do okuri po kopio o
ponoriukan kokomoi do ginama di nokoindalan do tinaru Kadazan Dusun, dadi
maya pogintangan literatur diti, okito dati do ogumu po lompang-lompang di
pinoolu do mononoriuk dadi ponoriukan nopo diti nga kaanu monuang do
lompang dilo.
2.3 TEORI PONORIUKAN...............................................................
2.3.1 Teori Humanistik Abraham Maslow
Teori Humanistik nopo diti nga pinointutun di Abraham Maslow. Tumanud
nopo di Roberts id suang Qodir (2017), rati humanistik id konteks akademik
nopo nga iso istilah i kirati do pinsingilaan klasik kokomoi koubasanan id
Yunani om Roma. Teori nopo disio di ointutunan gisom baino nga hierarki
kosuusukupan tu tulun nopo nga kiwaa limo o kosusukupan kohompit no o
kosuusukupan fisiologi, kosuusukupan kopuriman kotingoligan,
kosuusukupan lisi’, kosusukupan gatang tinan om kosuusukupan aktualisasi
tinan (Qodir, 2017). Id konteks dilo, sokiro nopo do orungod o kosuusukupan
id sawat nga potilombus no do poposunduan soosongulun di montok
mingkokot (Yahaya & Pang, 2010). Montok dilo, kiwaa o pionitan miampai do
ponoriukan di poindalanon tu poginsamakan dialogis id teori diti mangangat
do soosongulun dii do momusorou miampai okritis om okreatif. Id ahal diti, milo
i mononoriuk do momoguno pomusarahan di okritis om nogi okreatif damot
popoindalan ponoriukan mooi do asil nopo di aanu nga kikualiti om nogi milo
gunoon id gana pondidikan.
2.4 FOKUS PONORIUKAN..............................................................
Ponoriukan nopo diti nga montok mongilo om mongintutun piipiro ahal miagal
ko’ mongilo kopio do kasandadon ginama koubasanan mantad id aspek
kopomogunoon kakamot om tadon ginama koubasanan i gunoon do tinaru