vPONONGKOTOLUADAN
Pogulu po, agayo ginawo ku montok mongunsikou om mamarayou do
kinorohingan tu’ Yau no o lansanon ku solinaid do kopoindalanan ponoriukan.
Miampai do barakat Dau di osima, kolidasan, sunduan om ginaras di tinahak
doho, nakaanu oku minomongo diti ponoriukan ku kiuhu “Ginama Koubasanan
Tinaru Dusun Id Kampung Turuntungon Ranau, Sabah”. Sumusuhut,
mongunsikou oku nogi di au ogina kumaa do Kementerian Pendidikan
Malaysia (KPM), Institut Pendidikan Guru Malaysia (IPGM), Institut Pendidikan
Guru Kampus Kent om Jabatan Boros Kadazandusun tu minanahak doho do
kosiwatan montok potilombus sinikulan id IPG.
Tumilombus, kumaa lungkitas manaanapanai, Dr Saimin Ginsari,
pounsikou tagayo tu solinaid do kopoindalanan ponoriukan diti, ogumu o
tapanai, ponontudukan, pononsunudan om sogu di nakatahak gisom do
nakaanu oku do momongo’ ponoriukan diti. Ingkaa nogi montok do koduo
molohing ku, tabang, taka’ om tadi ku tu au olutas-lutas o sokodung om
sambayang kumaa doho. Agayo kopio o kouhupan dokoyu kumaa doho tu
haro nopo o kobolingkaangan ku nga ikoyu no o gulu monguhup.
Tumohuri, kounsikahan tagayo nogi montok do mentor Gundohing John
Gitom om koombolutan PISMP BKD Koonuan Mahas 2020 tu osonong o
ginawo kasari do monuduk om monguhup doho soira kiwaa kobolingkaan id
ponuatan ponoriukan. Tumohuri, pounsikou nogi montok do informan-
informan mantad Kampung Turuntungon Ranau, Sabah id ponoriukan diti tu
nakasaga do popoliwang timpu montok monguhup doho doid kopoosilan
ponoriukan diti.