‘A mugliera ‘e MasanielloSo’ turnate li Spagnuole,
è fernuta ‘a zezzenella;
comme chiagneno ‘e ffigliole
fora ‘a via d’ ‘a Marenella!
‘A Riggina ‘e ll’otto juorne
s’è arredotta a ffa’ ‘a vaiassa;
so turnate li taluorne,
‘ncopp’ ‘e frutte torna ‘a tassa!
Chella vesta, tuttaquanta
d’oro e argiento arricamata,
ll’ha cagnata sta Rignanta
cu na vesta spetacciata.
‘A curona ‘e filigrana
mo ched’è? Curona ‘e spine!
‘E zecchine d’ ‘a cullana
mo nun songo cchiù zecchine!
Li Spagnuole so’ turnate
chiù guappune e preputiente
e mo’ a chiammano, ‘e suldate,
a Riggina d’ ‘e pezziente!
E lle danno ‘a vuttatella,
e lle diceno’ a parola,