‘MmàtulaAggio veduto mamma mia
scenne a còppa ‘a Vesuviana
cu na prejézza ‘nta ll’uòcchie,
ammagliat’ e na suttana
comme nu bracalasso
c’u viénto addà ‘mpararse
addò adda jettà.
‘Na paréglia e cerase ‘ncopp’ e zìrule,
steva appuiata a nu sciurill’ e sole.
Era viérno ‘nzerrato,
na matenàta tòsta ‘mbroscenava
l’onne do mare.
Nun m’ha guardato. Aggio alluccato:
“Mammà, so’ i’, o carnente tujo”.
Nibba! Nun m’ha accumenito,
chi o ssape pecché.
Me l’addimanno, ma tutt’ e chèllete
arreventano musdée e l’arièlla
rummàne arrasso, chella...
A Vesuviana se nne va’
eternamente senz’essa,
va a ssapé pecché.