Sompuruan Artikol Jurnal Ponoriukan PISMP Koonuan Mahas 2018 (BKD, SK)

popoingkawas komilotumbayaan do data di aanu tu kopokito do aspek triangulasi
data.

Prosedur kopongorindakaan do data ponoriukan diti poindalanon momoguno kaida
analisis tematik hinonggo data-data i aanu mantad monikid instrumen ponoriukan
onuan do analisis data momoguno kaida coding montok monimung data-data i
kosimbar tuhot soriuk do ponoriukan diti.

Asil Ponoriukan

Kointalangan Pisuayan koroitan dialek Liwan id watas Tambunan om Ranau,
Sabah.

Asil nopo dii nga popokito kiwaa 11 pisuayan koroitan boros dialek Liwan i
gunoon tulun moomoboros dialek Liwan id watas Tambunan om nogi watas Ranau,
Sabah. Koinsanai pisuayan do koroitan dialek Liwan id watas Tambunan om Ranau,
Sabah nopo diti pointalangon soroisoiso’ momoguno do jadual miagal id siriba.

Koroitan dialek Liwan do boros “dikoyu”

Tambunan Ranau

ikeyu ikeyu, ikewu

Jadual 1 : Pisuayan koroitan boros “dikoyu”
Jadual 1 popokito do pisuayan koroitan boros “dikoyu” i gunoon do tulun
moomoboros dialek Liwan id watas Tambunan om nogi watas Ranau, Sabah.
Koroitan do dialek Liwan montok boros “dikoyu” id watas Tambunan nopo nga
“ikeyu” om koroitan dialek liwan montok boros dilo id watas Ranau nopo nga “ikeyu”
om “ikewu”.

Koroitan dialek Liwan do boros “walai”

Tambunan Ranau

walai walai / lamin

Jadual 2 : Pisuayan koroitan boros “walai”

Maya do Jadual 2, okito do kiwaa pisuayan koroitan montok boros “walai” om
“lamin”. Koroitan boros “walai” nopo nga gunoon do tulun moomoboros dialek Liwan