Tuis. 03

1 Meng die maalvleis kappertjiesaad ui mosterd

eier kruie en speserye saam en geur goed na smaak

met sout en peper. Nou vir die pret: Verdeel die

mengsel in 4 gelyke dele en vorm vleiskoekies

rondom die kaas. Draai die spekrepe rondom en sit

die vleiskoekies in die yskas vir 10 minute – dit help

dat hulle hul vorm behou.

2 Voorverhit die oond tot 180 °C. Verhit die olie in ’n

dikboompan en braai die burgers versigtig tot mooi

goudbruin alkante. Sit hulle dan in ’n oondbak en

bak vir nog sowat 10–15 minute of tot jy sien die

kaas begin uitloop – dan is dit perfek.

3 Sny die rolletjies oop en rooster hulle in ’n droë

pan. Smeer ’n dik laag mayonnaise op elke rolletjie

pak ’n hopie blare daarop gevolg deur ’n pynappel-

ring en dan die formidabele burgers. Rond af met die

ander helfte van die rolletjie. Smul dadelik. >>

Kaasburgers met spek en pynappel

Hierdie reuseburgers is pure bederf met die gesmelte kaas binne-in.

Genoeg vir 4 groot burgers • Bereidingstyd: 30 minute • Gaarmaaktyd: 20 minute

• 650 g beesmaalvleis


• 30 ml klein kappertjiesade


• 1 rooi ui fyngerasper


• 15 ml Dijonmosterd


• 1 eier


• 15 ml gekapte vars origanum


• 5 ml elk fyn komyn en koljander


• sout en varsgemaalde swartpeper


• 4 x 5 mm dik skywe mozzarella


• 250 g spekrepe


• 30 ml olyfolie


• 4 sesamsaadrolletjies


• mayonnaise of mosterd


• 80 g sagte blaarslaai


• 4 pynappelringe

KRY NOG

BURGER-

RESEPTE OP

BLADSY 120.

112 tuis Maart 2017