Tuis. 04

Speserylaagkoek

met pere

’n Effe suur crème fraîche-versiersel sorg vir
perfekte balans tussen die koek en
stroperige pere!

Maak1x22cm-koek
Bereidingstyd: 40 minute
Baktyd: 20–25 minute
Oondtemperatuur: 180 °C

• 625 ml (350 g) meel


• 425 ml (360 g) strooisuiker


• 10 ml koeksoda


• 10 ml kaneel


• 5 ml neutmuskaat


• 5 ml gemengde speserye


• 3 ml fyn gemmer


• 250 ml olie


• 2 eiers


• 400 ml mediumvet-jogurt
  KARAMELPERE


• sowat 6 mediumgroot pere ryp maar
  nie pap nie


• 45 ml botter


• 25 ml Old Brown-sjerrie


• 60 ml heuning plus ekstra na smaak
  VERSIERSEL


• 460 ml crème fraîche


• 30 ml strooisuiker (of na smaak)


• 15 ml suurlemoensap


• gerasperde skil van 1 suurlemoen

1 Voorverhit die oond. Voer 3 vlak
koekpanne uit met bakpapier en spuit met
kleefwerende kossproei. Sif die droë
bestanddele saam en klits die olie eiers en
jogurt saam. Voeg dan die droë en nat
mengsels bymekaar en meng tot net glad.
Verdeel die beslag tussen die koekpanne.
Bak vir sowat 20 minute of tot ’n toetspen
skoon uitkom. Keer die koek versigtig uit en
laat dit op ’n draadrakkie afkoel.
2 Verhoog intussen die oondtemperatuur tot
tussen 200 °C en 220 °C. Sny die pere in

5 mm dik skyfies en verwyder enige pitte.

Sprei dit uit in ’n oondroosterpan en stip

met die botter; sprinkel die sjerrie oor en

bedruip met die heuning. Jy kan nou ook ’n

knippie kaneel en steranys byvoeg maar

onthou die koek is vol heerlike speserye.

Bak die pere vir sowat 15 minute draai die

skyfies om en bak verder vir nog sowat

10–15 minute (afhangend van hoe ryp die

pere is – jy sal gou sien wanneer dit reg is).

3 Sit die crème fraîche strooisuiker

suurlemoensap en -skil saam in ’n mengbak

en klits met ’n ballonklitser tot gemeng.

4 Om saam te stel smeer die versiersel oor

al drie koeklae skep die pere bo-oor en

stapel die lae op mekaar. Drup ’n bietjie

ekstra heuning oor vir glans.

Mosbolletjies

Ons het die mooie mosbolletjies kruisies

gegee vir die Pase.

Genoeg vir: 24 bolletjies

Bereidingstyd: 45 minute plus rystyd

Baktyd: 50 minute

Oondtemperatuur: 180 °C

• 2 230 ml (1 250 g) koekmeel


• 10 ml sout


• 45 ml anys


• 125 ml (100 g) suiker


• 15 g kitsgis


• 250 ml louwarm melk


• 200 ml druiwesap


• 350 ml louwarm water


• 100 g botter gesmelt


• 45 ml appelkooskonfyt gesmelt

1 Meng die droë bestanddele in ’n groot

mengbak en meng al die nat bestanddele

behalwe die appelkooskonfyt in ’n

maatbeker. Maak ’n holte in die droë

bestanddele en giet die vloeistofmengsel

daarin. Meng stadig met ’n sirkelbeweging

tot die deeg te styf raak om te roer en begin

dan die deeg in die bak knie tot alles

bymekaarkom. Keer uit op ’n skoon

oppervlak en knie vir nog sowat 10 minute

tot die deeg soepel en glad is. Voeg ’n bietjie

ekstra meel by indien nodig. Smeer ’n groot

mengbak met ’n bietjie olie en sit die deeg

daarin. Bedek met gesmeerde kleefplastiek

en laat staan op ’n warm plek om te rys tot

dubbel die volume.

2 Druk al die lug uit die deeg en verdeel in

24 eweredige balletjies. Pak die balletjies

knus in ’n gesmeerde oondbak (of twee

groot broodpanne) en laat dit weer op ’n

warm plek rys tot dubbel die volume.

3 Voorverhit die oond. As jy die kruisies wil

maak meng 45 ml meel met net genoeg

water om ’n pasta met die samestelling van

dik versiersel te maak. Skep in ’n plastiek-

sakkie knip die punt oop en spuit ’n kruisie

op elke uitgerysde balletjie. Glaseer met ’n

bietjie melk en bak vir sowat 50 minute of

tot goudbruin en gaar. Hou dit goed dop

want jy wil nie hê die bokant van die

broodjies moet te warm kry voor die

binnekant gaar is nie (oonde verskil mos

maar). Verf die konfyt oor sodra dit uit die

oond kom. Geniet die bolletjies heerlik warm

met botter gerooster met konfyt of

marmelade en kaas – of net soos jy

daarvan hou!