Tuis. 04

raad

80 tuis April 2017

Vra

vir JJ

Luister Saterdae om 07:40 saam na JJ se Groen

Vingers-tuingeselsies met Derrich Gardner in

sy program ƌĞŬĮƐŵĞƚĞƌƌŝĐŚ op RSG.

Ougoed of

hougoed

Hoe verplant jy ’n roos?

Adri Theron van Kaapstad skryf

My ma wil rose met sentimentele

waarde skuif; wat is die beste

manier om steggies te maak sodat

sy die rose na haar nuwe blyplek

kan saamvat?

JJ antwoord Een van die

beste maniere is om ’n gaatjie in ’n

aartappel te maak met ’n stokkie

’n knippie kaneel in die gaatjie te

gooi en die steggie daarin te druk.

Plant die steggie dan – aartappel

en al! – op die nuwe plek.

Die ander opsie is om die hele

struik te verplant; doen dit in die

koeler maande van die jaar. Snoei

die hele plant met omtrent die

helfte terug. Grawe dit uit sonder

om die wortels te veel te versteur en hou die wortelbal en

grond bymekaar. Hou die plant in gedeeltelike skadu nadat

jy dit uitgehaal het en maak goed nat nadat jy die roos op

sy nuwe plek geplant het.

Pragtige paar

Hazel Trittner van Roodepoort skryf

Dié Zsolnay-vase is 23 cm hoog en het aan

my man se ouma behoort wat dit in die

middel van die 19de eeu van Wenen na

die Tsjeggiese Republiek gebring het. Het

dit enige waarde?

Ian Conn van

Ashbey’s Galleries

antwoord Zsolnay is

’n Hongaarse

vervaardiger van

porselein- teël- en

erdeware; die fabriek is in

1800 gestig. Dié vase is in hoë

reliëf versier met voëls en blomme en het ’n

voetstuk en galerynek met uitsnydetail –

tipies van die tweede helfte van die 17de

eeu. Die ontwerp is geïnspireer deur die

produkte van die fabrieke in Meissen

en Wenen byvoorbeeld die bekende

Meissen Snowball-vase.

OUDERDOM Circa 17de eeu

WAARDE R2 000–R4 000 vir al twee

KONTAKJJ van Rensburg is ’n tuinboukundige by Garden

World in Johannesburg; besoek gardenworld.co.za. >>

Werp lig op die saak

Valda Munro van Oos-Londen

skryf Ek het dié lamp by my oupa

geërf en ek vermoed dat dit meer as

100 jaar oud is; dit het op ’n kerfhout-

staander in sy “rookkamer” gestaan.

Dit het ’n brons afwerking gehad maar

nou is die metaalonderlaag sigbaar. Ek

wil dit graag weer laat verbrons en ook

weet of dit enigiets werd is.

Inge Beck van Ashbey’s

Galleries antwoord Dit wil voorkom of dit ’n

Franse tafellamp van spelter (onsuiwer sink) met

’n engelbeeldjie is. Spelter is minder waardevol as

brons omdat dit sagter is nie detail so goed soos

brons behou nie en ook makliker wegvreet (’n

teken van korrosie is ’n wit poeieragtige bolaag).

Laat restoureer jou beeldjie by ’n bewaring-

spesialis of professionele restoureerder.

OUDERDOM Vroeë 20ste eeu

WAARDE R3 000–R5 000

KONTAK ashbeysgalleries.co.za

Die tak is lank

en swaar

Jolene van Wyk van

Centurion skryf Ons het

twee vaderlandswilgers in

ons klein meenthuistuin.

Hulle staan ongeveer 15 m

van die grensmuur af en is

nagenoeg 3 jaar oud. Ons

kom nou agter dat die takke

begin splyt. Is dit normaal

of is daar fout met die bome? Kan hulle gered word?

JJ antwoord Ongelukkig gebeur dit dikwels dat

Combretums se takke splyt. Daar’s nie veel wat jy daaraan

kan doen nie behalwe om die tak af te saag om die gewig

te verminder (seël die saagplek met ’n boomseëlaar).

Oorweeg dit om gereeld die takke terug te snoei dan sal

hulle in die toekoms minder geneig wees om te splyt.

E-pos [email protected] E-pos [email protected]