Tuis. 09

104 tuis September 2017

Hetjygeweet?

Affodille en narsings behoort almal tot die genusNarcissus– dié met groter

blomme word affodille genoem en dié met kleiner trossies blomme is narsings

maar in die spreektaal word daar na albei verwys as affodille.

Affodille en narsings

Vrolike geel affodille lyk mooi in ’n groot

groep onder bladwisselende bome.

Plant hul bolle in die herfs in goed

gedreineerde komposryke grond en hou

nat gedurende die groeiseisoen in die

laatwinter en lente. Moenie die bolle almal

op ’n ry plant nie – hou dit informeel en

plant hulle in onreëlmatige groepies

bymekaar. Dié bolle lyk ook mooi in potte.

Daar is ’n groot verskeidenheid affodille te

kry – sommige blom vroeër en ander later

party met dubbele en ander met enkel-

blomme. Die blomme kan wit of verskillende

skakerings van geel en selfs ’n ligte oranje

wees. Die grootte van die blomme verskil

ook van soort tot soort. Van die bekendstes

is die heldergeel ‘Flower Carpet’ en die

geurige wit ‘Paperwhite’.

Kammetjies/freesias

Vir hemelse geur plant ’n kammetjie! Dié

bolle is in ’n groot verskeidenheid kleure

beskikbaar – onder meer wit geel pienk

pers en rooi.

Plant kammetjies in die herfs in goed

gedreineerde komposryke grond. Die

blomme lyk mooi in groot groepe in ’n

bedding of saam met ander lentebolle

soos Sparaxis affodille druifhiasinte en

anemone. In koeler dele en winterreën-

streke aard kammetjies goed in die son

maar in die warmer binneland is half-

skaduwee ideaal. Beskerm hulle teen

swaar en veral laatryp. Hou die bolle goed

nat in die winter en lente.

Inheems

Yslandse papawer

Die delikate Yslandse papawer in

skakerings van geel oranje pienk en ook

wit kan ’n lentebedding lieflik opvrolik. Hulle

lyk pragtig saam met lenteblommende

bolle of plant ’n groot groep daarvan in ’n

sonnige bedding. Yslandse papawers kom

soos die naam ook aandui uit die Arktiese

streke maar aard in die meeste dele van

Suid-Afrika behalwe waar dit baie droog is.

Dié eenjarige kan van saad groei of koop

saailinge in sespakke. Berei die bedding

goed voor met baie kompos en ’n paar

hande vol organiese bemesting voor jy saai

of plant. Voed saailinge elke twee weke met

vloeibare plantkos soos Seagro of Nitrosol.

Beskerm dit teen wind maak gereeld nat

en sny die dooie blomme uit om dit aan te

moedig om meer te blom.

Yslandse papawers is uitstekende sny-

blomme. Pluk dit wanneer die blomknoppe

begin oopgaan – die blom sal in die huis

heeltemal oopgaan.

Narcissus-hibriede

Son tot skaduwee

Rypbestand

Gemiddelde waterbehoeftes

Blom Augustus tot Oktober

Groei 30–40 cm hoog

Freesia-hibriede

Son tot halfskaduwee

Redelik bestand teen ryp

Gemiddelde waterbehoeftes

Blom Augustus tot Oktober

Groei sowat 25 cm hoog

Papaver nudicaule

Son

Rypbestand

Gemiddelde waterbehoeftes

Blom laatwinter en lente

Groei 30–50 cm hoog

Drie lente-staatmakers