Tuis. 09

[KOMBUIS]

Die kompakte leefarea

bestaan uit ’n kombuis met

kaste van soliede dennehout

’n eetarea en sitkamer.

48 tuis September 2017

James wat Fish Hoek Refrigeration by sy

pa oorgeneem het het nog altyd daarvan

gedroom om ’n kothuis van yskaspanele

te bou – en daar was net mooi genoeg

ruimte op hul erf vir ’n kompakte

eenslaapkamerplekkie.

Klink dit gek? Dink weer. Koelkamers is

perfek geïsoleer met uitstekende termiese

eienskappe regdeur die jaar. Dis ook water-

en klankdig en die boumetode is vinnig

skoon en kostedoeltreffend – dit kos sowat

R4000/m^2.

Toe ons hom vra oor die nadele het dit

James ’n bietjie onkant gevang: “Goeie

vraag. Ek sal ’n bietjie moet dink ...”

Omdat hy as’t ware in die yskas-bedryf

grootgeword het en al talle koelkamers vir

restaurante gebou het het James nog altyd

gedink dat die materiaal wat hulle daar

gebruik ook elders ingespan kan word. “Ek

het dit so geniet om my vaardighede op ’n

woonhuis toe te pas; dit was ’n heerlike

uitdaging.”

In Januarie 2015 het hy begin bou aan

die “yskas-kothuis”. Die planne is vooraf

goedgekeur deur die strukturele ingenieur

Paul Giloi wat toesig gehou het oor die

strukturele aspekte van die projek.

Hoewel die kothuis gouer klaar kon kom

het die proses drie maande geduur omdat

James die meeste van die werk self in sy

vrye tyd moes doen.

“Ons het enkelverdieping gebou omdat

ons nie die see-uitsig van ons eie huis wou

bederf nie” verduidelik James. “Maar ek

skat jy kan tot drie vlakke hoog veilig bou

solank jy met ’n struktuuringenieur

saamwerk.” >>

Toe Gail en James Tinsley vier jaar gelede hul

huis op ’n erf met ’n skerp helling in Vishoek

bou het James die geleentheid gesien om ’n

droom uit sy kinderdae te bewaarheid.

Die kothuis is heerlik

knus. Dis so goed geïsoleer

dat ‘n mens maklik soos 'n

kluisenaar hier kon leef

veral in die kouer

maande! – Gail