Tuis. 09

September 2017 tuis 99

V

Ek gebruik ’n emmer om my

gryswater buitentoe te dra en

gooi dit dan oor in ’n gieter om my

tuin nat te lei. Is daar ’n minder

tydrowende metode?

A

Ja-nee niemand hoef so baie heen en weer te stap nie!

Gelukkig is daar ander opsies wat minder moeite is en wat jou

nie so maklik met grys water en die gesondheidsrisiko’s wat dit kan

inhou in aanraking sal bring nie.

Jy kan die afvoerpype van jou badkamer en wasmasjien (wat

reeds ’n ingeboude pomp het) met ’n gryswaterstelsel in jou tuin of

direk met ’n tuinslang verbind.

Dié metode werk óf met swaartekrag (byvoorbeeld uit ’n

badkamer op die eerste verdieping) óf met ’n water pomp. Jy kan ’n

hewelpomp en pyp gebruik om badwater by ’n venster uit te lei na

’n tenk vir gebruik in die tuin.

Dis nou belangriker as ooit om die grondbeginsels van gryswater en

reënwater te verstaan; ons beantwoord jou vrae.

Enkele wenke

• Gryswater is geneig om opskiet- of mikrospuite te verstop – gebruik
  liewer ’n tuinslang wanneer jy met gryswater natlei. Anders kan jy ’n
  filter in jou bestaande outomatiese besproeiingstelsel installeer.


• Moenie gryswater in die toilet se spoelbak gooi nie want daar is ’n
  geringe kans dat dit in jou varswatervoorraad kan terugspoel. Gooi die
  gryswater liewer direk in die toilet.


• Moet liefs nie jou kruie en groente met gryswater natlei nie.


• Water waarin doeke gewas is (of ander artikels wat dalk met urine of
  ontlasting in aanraking gekom het) is ook nie geskik nie.


• Moenie dat gryswater bo-op die grond opdam nie; dit sal ’n teelaarde
  vir muskiete word.


• Kinders en troeteldiere moenie gryswater drink of daarin speel nie. >>

waterwys tuin

Gryswater

V

Wat is gryswater?

A

Gryswater is gebruikte water uit

baddens storte wasbakke en was-

masjiene. Dit sluit nie water uit die toilet of

kombuis in nie.

V

Moet ek bio-afbreek-

bare skoonmaak-

middels gebruik as ek my

tuin met gryswater natlei?

A

Baie mense sê hul gras en plante vaar beter

vandat hulle gryswater gebruik. Baie plante –

buiten suurliewende plante soos asaleas

Begonias katjiepierings hibiskusse kamelias en

varings – hou van gryswater se alkaliese aard.

Ongelukkig kan gryswater fosfate en soute

in jou grond laat opbou wat nadelig vir jou tuin

kan wees.

Gebruik bio-afbreekbare skottelgoedseep en

waspoeier wat fosfaat- en soutvry is; vermy ook

vloeibare versagter omdat dit chemikalieë bevat.

As jy nie altyd sulke produkte kan gebruik nie

moet jy een keer per week jou tuin spoel met

reënwater uit jou opvangtenk. Gebruik munisipale

water net wanneer geen waterbeperkings van

krag is nie.

Wenk Het jy nie bio-afbreekbare

waspoeier nie? Gebruik dan net

die water uit jou spoelsiklus in

die tuin.

V

Hoe lank kan ek

grys water bêre?

A

Omdat gryswater anaërobiese bakterieë bevat

(bakterieë wat groei sonder suurstof) hou dit

gesondheids risiko’s in en sal dit sleg ruik as jy dit

te lank bêre. Daarom moet onbehandelde

gryswater altyd dadelik gebruik word. Dit kan tot

24 uur hou as jy dit behandel met produkte wat

die water se gehalte verbeter soos Bio-Systems

SA se biologiese bymiddels.

Het jy geweet? Elke grys wa terstelsel moet

individueel ontwerp en saamgestel word.

Huise verskil van mekaar wat uitleg grootte

en inhoud van die tuin asook die erf se

helling betref – alles elemente wat die

installasieprys beïnvloed.