Tuis. 10

Dis in die detail

Krisjan hou daarvan om mooigoed in die kombuis uit te stal; hy

glo dit gee kuiergaste ’n kykie in jou kop. Hy wissel sy uitstallings

seisoenaal af en hou só die voorkoms vars en nuut.

Die Ellis De Luxe-stofie kom van die familieplaas van

Krisjan se lewensmaat Douw Botha op Lydenburg.

“Toe sy pa Jaap oorlede is het die stofie ’n

stadsmeisie geword. Sy werk lieflik en hou ook die

hele huis warm in die winter” vertel Krisjan.

KOMBUIS # 1

Kleur en fleur

Toe Krisjan Fourie sy Westdene-huis uit die
veertigerjare opgeknap het het hy een ding
geweet: Ingeboude kaste en ’n teëlvloer sou
nie deug in sy kombuis nie. “In my nuwe
kombuis wou ek ’n eetkamertafel hê waarby
’n skare kan aansit asook ’n klavier sodat
ons kombuisteater kon hou!” vertel Krisjan
wat kookklasse by sy huis aanbied.

Vandag beslaan dié oopplan-vertrek

’n ruim 120 m² en spog dit met ’n

kontemporêre wit epoksivloer en losstaande

retro-meubels – Krisjan beskryf die styl as

“retro-kitsch”.

Die vintage-elemente in dié vertrek wat

uitloop op die tuin het hy self oor jare

bymekaargemaak.

“Die meeste het ek by wyle Leonard

Wichtman van die destydse Bruce Tait’s

Kitsch Collectables in Kaapstad gekoop”

vertel hy.

Die geel-en-groen vintage-kas kom van ’n

tweedehandswinkel op Rosendal in die

Vrystaat. “Ek het in ’n ‘binge’ sewe kaste

daar gekoop!” >>

Oktober 2017 tuis 47