Tuis. 07

Die kussings en bank in dié

lieflike leeshoekie in die

hoofslaapkamer is oorgetrek

met oorskietstukke vintage-lap

wat Janelle in die Verenigde

Koninkryk gekry het.

Tekstuurryke afwerkings en ragfyn gordyne gee die gaste-

kamer (regs) ’n ontspanne dog weelderige gevoel. Janelle

het die kopstuk van laaghout en ’n ou sponsmatras gemaak

en oorgetrek met eenvoudige gestreepte lap. Vir die kussing-

oortreksels op die bed het sy regte graan sakke gebruik.

Meng en pas

Janelle se kreatiewe flair is in elke vertrek te sien; hier leef oud

en nuut asook helder en onderbeklemtoonde kleure in perfekte

harmonie. “Dis vir my belangrik dat die ou en nuwe items goed

saam lyk en ek gebruik hartsgoed met sentimentele waarde

regdeur die huis; ek sorg dat daar kosbare herinneringe of

erfstukke van my ouma en ouers in elke vertrek is” sê sy.

“Niks hoef perfek te pas nie maar al die ruimtes moet tog

met mekaar verbind deur ’n tema. Daar is byvoorbeeld blou en

wit in elke vertrek omdat ek daarvan hou en ons naby die see

woon; só voel dit altyd of ek met vakansie is.”

Maar Janelle volg nie enige ander dekorreëls nie. “Versier jou

huis met dinge wat vir jou mooi of betekenisvol is” is haar raad.

“As iets vir jou vreugde bring gebruik dit in jou woonplek. Dis

hoe jy weet jy skep ’n ruimte wat jou persoonlikheid leefstyl en

lewens verhaal weerspieël.” >>

’n Versierde kopstuk agter dié

skryftafel skep ’n interessante

fokuspunt in ’n hoek van die

hoofslaapkamer.

Hanglamp van @home;

gordynlap van Mavromac

& The Gatehouse

Lap op kopstuk van

Mavromac & The Gatehouse;

wit kwilt van MRP Home;

bedlampie van Lightco

34 tuis Julie 2017

leserhuis