Tuis. 07

2

Ek is nie ’n winter-mens nie; ek raak amper bedruk wanneer daar nie

sonlig is nie; die lig in dié ruimte maak my gelukkig! – Shelley Hills

’n Lieflike uitsig

Met sy fantastiese see-uitsig het Shelley Hills geweet ’n sonnige

leefarea was die beste manier om haar Baaise huis ten volle te

benut. “Toe ek die huis koop was dit ’n argitek se kantoorspasie –

eintlik ’n skoon skilderdoek” sê sy. “Dit het perfek sin gemaak om

die natuurlike lig en pragtige uitsigte te beklemtoon deur dié area

die spilpunt van ons huis te maak.”

Die oopplanruimte bestaan uit ’n kombuis eetgedeelte oordekte

stoep studeerarea en sitkamer. “Ons bring die meeste tyd in die

eetgedeelte deur; dis waar ons met vriende kuier speletjies speel of

in die son opkrul met ’n goeie boek. Dis beslis die gewildste plek in

ons huis” sê Shelley.

Omdat daar so baie natuurlike lig instroom was dit nie vir haar

nodig om kleur in te span om die vertrek op te helder nie. “Ek het

besluit om die palet neutraal te hou en dekor in skakerings van grys

te gebruik sodat al die areas goed inmekaarvloei en die uitsig al die

aandag geniet. Die doelwit was om dié deel van die huis eenvoudig

stylvol en gesellig in te rig.”

Shelley hou nie van natuurlike of gebeitste hout nie daarom is al

die houtrame en stapeldeure wit geverf om die leefarea lig en oop

te laat voel. Omdat die vloer uit verskeie soorte hout bestaan het is

dit ook wit geverf om die vertrek op te helder én te bespaar op ’n

nuwe vloer.

“Ek hou van die ruimte omdat dit ideaal is vir goeie tye met

familie en vriende” verduidelik sy. “Daar is altyd ’n gevoel van

samesyn al sit en doen my seun Cameron huiswerk in die

studeerarea terwyl ek TV in die sitkamer kyk.”

Blink plan!

Shelley het ’n getinte eenrigting-film oor die stapeldeure

se glas aangebring. Dit keer dat haar materiaal in fel

sonlig verbleik en bederf nie die uitsig soos gordyne of

blindings nie.

Dis in die detail

Die kombuiskaste is pasgemaak en die

ou geroeste hanglampe en vintage-

metaaltekens voeg karakter by.

Shelley het ’n vinielplakker met

“huisreëls” bo die stoof geplak en dit

bedek met ’n stuk glas vir ’n

interessante spatpaneel.