Tuis. 08

104 tuis Augustus 2017

Tuinkopies

Fuchsia

Ken jou

indringers

Elke maand wys ons ’n plant wat as ’n

indringer verklaar is. Hou jou oë oop daarvoor

in jou tuin en buurt.

Wildetabak(Nicotiana glauca)is ’n

immergroen struik of boompie met

blougroen leeragtige blare (soms met ’n

perserige tint) wat tot 6 m hoog kan groei.

Buisvormige geel blomme verskyn deur

die jaar aan hangende trosse. Dit dra

bruin doosvrugte wat die klein saadjies

bevat waardeur dié plant versprei.

Indringerstatus

Dis ’n Kategorie 1b-indringer wat

beteken jy kan vervolg word as dit op

jou eiendom groei.

Hoekom is dit ’n probleem?

Die plant ding mee met inheemse spesies

en kan ná ’n oorstroming digte bosse

langs waterlope vorm; dis veral ’n

probleem in bewareas soos die Kruger-

wildtuin. Die hele plant is giftig vir mak en

wilde diere.

KONTAKinvasives.org.za

Fucshia

As jy ’n stoepplant soek wat sonder ophou

blom oorweeg fuchsias (hoogstam- of

potfuchsias). Dis maklike binnenshuise

plante wat hou van gefiltreerde skaduwee.

Hou die grond eweredig klam; die plant hou

nie van nat voete nie. Voed met ’n kalium-

ryke vloeibare bemesting sodra dit oortrek is

van knoppe. Verwyder dooie blomme

anders sal die plant saadkoppe maak en

“vergeet” om te blom. In die lente sal

fuchsias gedy buite op ’n skaduryke plek of

iewers met oggendson. Fuchsias is ryp-

sensitief; bring dit weer binnetoe wanneer

temperature daal en maak minder nat

omdat die plant dormant raak. In rypvrye

gebiede kan dit in die winter blom en as dit

in ’n beskutte tuin stoep of binnehof staan

kan dit in kouer areas ook blom.

KONTAK plantimex.co.za

Wildetabak

Foto

Getty Images

Reel Gardening Garden in a Box bevat vyf verskillende groentes

of kruie op bioafbreekbare kleurgekodeerde papierstroke wat die

korrekte plant-diepte en -afstand aandui; dit hou ook die saad

klam en keer dat voëls dit vreet. Elke boks is genoeg om 2 m^2 te

beplant en lewer sowat 40 porsies groente of kruie. Dis

beskikbaar by Food Lover’s Market-takke landwyd (R7999).

Sien meer by reelgardening.co.za. >>

Gebruik Oregano ‘Hot and Spicy’ vir

’n effense byt in die winter wanneer

rissies skaars is.

Kweek dit so Oregano ‘Hot and Spicy’ is ’n

immergroen rypbestande grondbedekker-

krui met ’n spreidende groeiwyse van

20 cm perfek vir ’n houer. Dit het grysgroen

ovaal effens harige blare en dra trossies

wit blomme in die somer. Plant dit in volson

in goed gedreineerde komposryke grond.

Verskillende soorte Ander ongewone

variëteite is ‘Country Cream’ ’n grond-

bedekker met ovaal room-en-groen blare en

klein pienk blomme; ‘Golden Upright’

ideaal vir houers of as kontrasplant en die

laaggroeiende ‘Golden Oregano’ met sy geel

blare wat ’n dekoratiewe grondbedekker

tussen ander kruie maak.

Wenk van die maand Snoei terug in die

lente en verryk die grond met kompos om

bosagtige nuwe groei aan te moedig.

Het jy geweet? Oregano ‘Hot and Spicy’ is

’n uitstekende metgeselplant vir groente

soos broccoli kool blomkool komkommer

en soetrissies omdat dit komkommer- en

skorsiekewers weghou.

Algemene probleme Die stele kan houtagtig

raak as die plant nie gereeld gesnoei word

nie. Hoe meer jy daarvan pluk hoe beter

groei dit.

Gebruike Dis ideaal vir pikante Meksikaanse

of Italiaanse geregte vir die stadige

gaarmaak van geregte met tamaties olywe

knoffel en uie asook bredies met bief

hoender en lam.

KONTAK healthyliving-herbs.co.za

Krui van die maand

Stoepplant van die maand

tuindagboek ^ƚƵƵƌŝŶůŝŐƟŶŐŶĂƚƵŝŶĞΛƚƵŝƐ͘ĐŽ͘njĂ.

Oregano ‘Hot and Spicy’