Tuis. 08

122 tuis Augustus 2017

kos stap vir stap

DeurJohané Neilson

Foto’sFrancois Oberholster

132

4

5

Gebruik oorskiethoender en roerbraaigroente vir dié gevulde

plaatkoekies – perfek vir wanneer die honger laataand knaag.

1 Maak die deegSif die meel en geur met die sout peper en sprietuie. Roer die olie en

kookwater by en knie die warm deeg tot glad. Bedek met kleefplastiek en laat rus op die

werkblad vir 30 minute. 2 Roerbraai die groente vir die vulsel vlugtig in ’n bietjie olie tot

geurig. As jy wil kan jy nou die brandrissie knoffel gemmer en sojasous byroer.

3 Verdeel die deeg in 8 ewe groot balletjies; strooi ’n bietjie meel oor jou werkblad as die

deeg vassit. Hou ’n bakkie sesam-olie ’n kwassie en jou vulsel reg.

4 Rol nou een deegballetjie op ’n slag in ’n lang dun strook uit.

Verf met ’n klein bietjie olie en skep van die vulsel oor die helfte

naaste aan jou. Rol nou styf op weg van jou af (sien foto) totdat

jy ’n gevulde sigaarvorm het. Hou dit regop en druk dit met jou

handpalm plat om ’n koekie te vorm. Sprinkel die sesam-

saadjies oor en herhaal met die res van die bestanddele.

5 Panbraai die plaatkoekies in die olie tot deurgaar en

goudbruin alkant. As jy bang is die deeg is buite bruin en binne

nog rou bak die koekies vir sowat 10 minute in ’n voorverhitte

oond teen 180 °C. Geniet met ’n doopsousie van sojasous of

soet rissiesous en ’n strooisel sprietuie en koljander.

VAN OORSKIET

tot Oosters

Hoenderplaatkoekies

Ons het dié metode vir vinnige happies op

thewoksoflife.com gewaar.

Genoeg vir 8 koekies

Bereidingstyd: 45 minute

Gaarmaaktyd: 20 minute

• 30 ml sesamsaadjies


• 15 ml sesam-olie
  DEEG


• 500 ml (280 g) koekmeel


• ’n ruim knippie seesout en witpeper


• 3 sprietuie se wit gedeeltes
  baie fyn gekap


• 30 ml olie (ons het sesam-olie gebruik)


• sowat 200 ml kookwater effens
  afgekoel
  VULSEL


• 1 groot wortel geskil en gerasper
  of in julienne-repies gesny


• 12 sampioene fyngekap


• 300 ml fyngekapte kool


• 15 ml olie


• 1 rooi brandrisssie gekap (opsioneel)


• knoffel na smaak (opsioneel)


• 5 ml fyngerasperde vars gemmer
  (opsioneel)


• 15–30 ml sojasous (opsioneel)


• vars koljander


• sowat 300 ml gepluiste
  braaihoender