Tuis. 08

Jy het deursettingsvermoë nodig wanneer jy ’n ou

huis koop wat van sy karakter gestroop is. Dít het die

Kaapse binneversierder Lynette van Zyl van

Ressource Décor gou-gou besef toe sy en haar man

Colin in Julie verlede jaar hul huis in Observatory

aangeskaf het.

Die opknapprojek aan hul lelike eendjie het in

September begin en is ondanks heelwat uitdagings

binne ’n maand afgehandel waarna hulle kon intrek.

“Colin werk in die versekeringsbedryf” vertel

Lynette “maar het argitektuur gestudeer en is ’n

entoesiastiese selfdoener. Sy kennis van ruimte en

houtwerk het ongelooflik baie gehelp. Nog ’n

pluspunt was dat die houtvloere in ’n perfekte

toestand was.

“Gedurende die opknap het Colin by die huis

‘uitgekamp’ terwyl ek by my ouers gebly het. My

arme man het ’n borsinfeksie gekry van al die stof.

Hy moes ook vir twee dae ’n toilet by die kitskos-

restaurant om die draai gebruik want met die uitkap

van al twee badkamers was hier geen watertoevoer

óf toilet nie!”

Die kombuis

GROOTTE105m^2

Vertoonkaste vir mooi breekware slim

ruimtebenutting en ’n gasstoof is vir Lynette

ononderhandelbaar wanneer sy ’n kombuis opknap.

Haar nuwe blyplek se kombuis was “erg vervelig en

gewoon” vertel sy. “Ek wou ’n Franse landelike styl

met ’n klassieke gevoel skep maar daar was

verskeie uitdagings.” Die grootste probleem was die

agterdeur in die middel van ’n muur wat ’n

moderne funksionele uitleg bemoeilik het. Boonop

het die melamienkaste waterskade gehad.

Ná baie ure se navorsing oor klein ruimtes op

Pinterest en ’n vakansie in Parys het Lynette die

prentjie in haar kop verfyn tot ’n donkerblou grys

swart en wit palet wat die illusie van ruimte sou

skep. “Ons het ook die agterdeur toegebou sodat

ons die ruimte beter kon benut. Só kon ons meer

kaste en dus ook werkvlakke inbou en ontwerpdetail

soos die eikehoutkas insluit sodat die vertrek nie

soos ’n skeepskombuis lyk nie.”

Sy is heel in haar noppies met die resultaat. “Dis

lekker om hier te werskaf. Ek is veral dol oor my

gasstoof en danksy die vertoonkas het ek al my

breekware byderhand. Hoewel die natuurlike lig

uitstekend is lyk die vertrek saans ook ongelooflik

mooi. Hier is goeie taakbeligting asook sagte

atmosfeerbeligting wat die ontwerpdetail

beklemtoon.

“Noudat hier meer werkvlakke is het ek neersit-

plek vir spesiale versamelgoed wat herinneringe

terugbring van ons vakansies in Frankryk en Italië.”

Voor

In die kombuis wou Lynette die atmosfeer van ’n Franse bistro skep vandaar

die swart stoof en antieke spieël wat bo die stoof as spatvlak dien. Die

kontrasterende palet van ligte en donker mure en ontwerpdetail skep die

illusie van ruimte.

52 tuis Augustus 2017

opknap