Tuis. 08

Tawwe tienie

Portaalplant/potysterplant

Aspidistra elatior

Die portaalplant is taai en gee nie om vir afskeep nie – dis

juis waar hy sy ander naam potysterplant vandaan kry. Dit

groei in min lig en wisselende temperature en vogtigheid is

nie belangrik nie. Sodra die plant goed gevestig is pla dit

ook nie as hy ongereeld water kry nie. Die portaalplant hou

wel van goed gedreineerde grond; dit keer dat die wortels

verrot. Plant dit in die skaduwee weg van direkte son. Dit is

ook net so gelukkig as huisplant.

Pluk gerus die mooi blare; hulle hou baie lank in water. Sit

drie of vyf stele (’n onewe getal lyk altyd mooier) in ’n glas-

bak vir ’n groen rangskikking. Portaalplante blom maar die

blomme is op grondvlak en nie iets wat ’n mens gereeld sien

nie – dit word vir sy groen loof en gehardheid gekweek.

Plantgids

Aspidistra elatior

Volskaduwee

Gemiddelde

waterbehoeftes

Redelik rypbestand

Groei tot 70 cm hoog

Plantgids

Adiantum

raddianum

Volskaduwee

Vra heelwat water

Redelik rypbestand

Groei 45 cm hoog

Goeie huisplant

Adiantum raddianum

Hier is ’n paar

staatmakers

Tropies

Philodendron ‘Xanadu’

Dié blaarplant aard goed in halfskaduwee. Dit hou van koel klam grond

en het heelwat water nodig. Dis ’n maklike groeier en ook ’n goeie plant vir

’n stoep met baie lig maar nie te veel direkte son nie. Die plant is giftig vir

mens en dier – wees dus versigtig as jy kinders of troeteldiere het.

Plantgids

Philodendron

‘Xanadu’

Halfskaduwee

Vra heelwat water

Redelik rypbestand

Immergroen

Groei tot 1 m hoog

Nooienshaarvaring

Adiantum raddianum

Die nooienshaarvaring is delikaat met fyn

heldergroen blare aan donker stele. Dit is

’n baie gewilde huisplant wat van helder

indirekte lig hou maar moenie in direkte

sonlig staan nie. Die plant hou van ’n

vogtige omgewing en aard daarom goed

in ’n badkamer. Moenie dat jou nooiens-

haarvaring se wortels uitdroog nie – hou

dit klam.

Dié varing is redelik siektevry. Sny

blare wat bruin word af. Nooienshaar-

varing kan ook in die tuin onder bome of

in ’n skaduryke hoekie groei maar is ’n

sensitiewe plant. Die inheemse sewe-

weeksvaring is ’n meer geharde opsie

vir die tuin.

Fyn en delikaat

Varings met hul grasieuse groen blare hou van ’n koel en klam omgewing.

Plant ’n klompie bymekaar vir ’n bosgevoel in jou skadutuin. Dit aard

goed onder bome by ’n fontein of in koeler dele waar ander plante soms

moeilik groei.

Philodendron ‘Xanadu’

Aspidistra elatior

tuin plante van die maand