KOLUMISON BOROS SUNDAIT ID KAMPUNG LOKOS / JILORISA JOHN

3. 5 .2 Pongintangan

Maya kaida pongintangan, minog i mononoriuk do kotindapou kopio id
kinoyonon ponoriukan miampai di informan ngaawi om sumiliu sabaagi
songulun i minsisingilo. Id suang proses pongintangan dii, nuru i mononoriuk
do poporontob fokus pongintangan mooi oilaan poingkuro kopio o
koponimungan om analisis data loolobi po soira momoguno kakamot
pongintangan miagal do rakaman montok sukuon kawagu. Fokus nopo di
intangan kopio do mononoriuk maya kaida diti nga koulalaho do sundait, fungsi
sosial do sundait, karalano ababayan mogisusundait om aspek kolumison
boros di gunoon (Pinotonggoi A).

Rajah 1. Prosedur ponimungan data maya kaida pongintangan

3. 5 .3 Ponoriukan kepustakaan

Montok kaida diti, ponimungan data nopo nga popohompit do ababayan
momulinahas dokumen tu sumuku do ponoriukan nakatalib i miagal-agal om
toud sukuon suai i kosudong maya jurnal online, buuk, thesis om suusuai po.
Dokumen ngaawi nopo dii nga osiliu sabaagi sukuon impohon om ponokodung
montok do manahak tituduk kopoindalanan diti ponoriukan.

Jadual 1

Prosedur ponimungan data

Prosedur Koindalanan prosedur

Momonsoiset

ahal

pongintangan

Mongoi

romut

miampai

informandi

nopili

Momonsoi

pongintanganmaso

di ponorubungan

(misundaitmiampai

di informan)

Maganu

gambar om

rakaman

audio