Prosedur 1 Maganu suat kasagaan mantad Pengarah IPG Kampus
Kent montok popoindalan ponoriukan id Kampung
Lokos.
Prosedur 2 Mogihum om momili apat informan tumanud ula di
pinatantu.
Prosedur 3 Poindalanon o ponoriukan montok maganu om
monimung do data:- Rumomut miampai informan montok popoindalan
do kaida ponorubungan. - Popoindalan kaida pongintangan maso
ponorubungan dii. - Sumuku do jurnal online, buuk, thesis om
akakamot basaon di suai i kosudong montok
ponokodung do data.
Prosedur 4 Timungon om sompipion toinsanan data di naanu.
3.6 PROSEDUR MOMORINDAK DATA
3.6.1 Data ponorubungan
Montok momorindak do data di naanu maya ponorubungan, gunoon o woyo
pongompurian tematik i monginomot, momorindako om popoluput tema-tema
to ko’ pola-pola mantad data (Liamputtong id suang Ilham Junaid, 2016).
Kiwaa duo laang momorindak data poingimpou diti woyo pongompurian
tematik. Koiso nopo nga maan basao’ om sorisido’ tikid sisimbar
ponorubungan om pokinongohon kawagu rakaman audio montok momonsoi
transkripsi (intangan id Pinotonggoi B). Maya transkripsi dii, minog do
intangan o pola-pola toi ko’ idea-idea di pinatahak do informan moi kaanu
momonsoi coding. Coding nopo nga iso proses monginmuri om mongumbal
data miampai manahak label toi ko’ kategori id bontuk boros, frasa toi ko’
panandatan. Laang koduo nopo nga maan pionito o kategori om tema-tema
dii miampai data suai i naanu mantad ponoriukan kepustakaan mooi kaanu
momonsoi interpretasi data tumanud teori om kerangka konseptual. Pillion om
pibarasan o data kualitatif di kosudong miampai nunu i maan soriuko montok