BAB KOLIMO
POMOLINGKUMAN, SOGU OM BAGAS
5.1 KOPOINTUTUNAN.....................................................................
Bab nopo diti nga popointalang do pomolingkuman, sogu om bagas mantad
do ponoriukan di pinoindalan. Id konteks diti, huyadon o pomolingkuman
poimponu montok do ponoriukan di pinoindalan miampai nogi do sogu montok
monginlaab do ponoriukan di nokoindalan ontok timpu dumontol mooi do lobi
alaab o ponoriukan di nokoindalan. Ingkaa nogi o kopomohuyadan bagas di
naanu-anu mantad do ponoriukan di pinoindalan.
5.2 POMOLINGKUMAN.....................................................................
Ekonomi sandad nopo do Tinaru Kadazan Dusun nopo nga kiwaa piipiro kawo
miagal ko’ momuumutanon tu kogumuan nopo do tulun tinaru diti nga
mananom do parai tidong om rinanau, mundok, kinotuan, puun tua’ua, sigup,
lado oitom om kapas (Rutter id suang ponoriukan di Minah Sintian et aa,
2018 ). Suai ko’ilo, noboros nogi id ponoriukan di Dayu Sansalu (2008) do
manabpo sada momoguno do bubu’, magapon, mangambur, mongundalo,
momukot om nogi monubo sada. Sumusuhut, momiimiara tayam miagal ko’
manuk, kambing, wogok, karabou om sapi om nogi mongintorus momoguno
do tasu, tandus, sumpit om ginama. Mantad dilo, nokoimbulai o topurimanan
do siilo kopio di monoonoriuk kokomoi dilo ginama tu opurimanan do mumbal
nodi talup iti toilaan kokomoi ginama loolobi po montok sukod wagu. Dadi
mantad do ponoriukan di pinoindalan kokomoi ginama koubasanan id
Kampung Turuntungon Ranau, Sabah, nokokito i monoonoriuk do kogingohon
i poinlisok id elemen-elemen ginama koubasanan.
Maya nopo do tudu om om tuhot soriuk, koimbulai o kogingohon do
ginama koubasanan mantad kangarano, kasandadon om nogi karalano
papataan. Ahal diti tu, maya asil ponoriukan, nokopointalang do duo