Dialect Poetry of Southern Italy (Italian Poetry in Translation Book 2)

A la sagra di li ménnuli sciuruti

Suli ammatìna supra di li mennuli
e cantanu l’oceddri a tutta l’ura.
Lu viddranu, curcatu nô carrettu,
s’annaculìa. Cangia la vintura
pi un sciuri di li mennuli all’oricchia?
Pinniculìa, tuttu stinnicchiatu
(la vampa di lu suli ca lu scorcia);
senti li forti strepiti d’Orlannu
câmmazza i saracini ─ e ca Rinallu
suspira e chianci, biancu arrussittatu.
Cu la mula parata a festa granni,
lu carrettu lucenti cu li pinni,
a passu a passu mezzu u pruvulazzu.
E la mula nun senti chiù la via.
Ci penni la cuperta mmezzu i gammi.
Li mennuli e l’olivi, tornu tornu,.
ci fannu strata. Sbatti ni un pitruni,
isa la testa, curri; sata, abballa,
¬“Stòccati u coddru” , a zotta a vastunìa.
Vittivìtti, ca sona u mancarrùni.
da L’odore della poesia, 1980
Nella sagra dei mandorli fioriti ─ Sole di mattina sopra i