tiwanon, pisasawaan miampai piobpinayan di miinsomok po kopio nopo nga’
oontok danda di lobi agayo ii no tu’ karabou om pisasawaan miampai piobpinayan
di osodu no nopo nga’ oontok do danda soginan manuk.
Jadual 2: Kopoindalanan ababayan monogit
TIMPU ABABAYAN POWONSOYON
POGULU
ABABAYAN
MONOGIT- Manahak i momuruan kampung do kopoilaan kokomoi
tadauwulan, kinoyonon om timpu kapaharaan
ababayan monogit
(Kosoruan nopo, pohoroon ababayan monogit ontok
kosuabon id balai raya toi ko’ dewan kampung)
MAAMASO
ABABAYAN
MONOGIT - Tumimung tulun kampung id kinoyonon ababayan
- Popolombus i momuruan ababayan do tumi’-tumion toi
ko’ rinait. Ontok timpu diti, poinghohol tarom di
pongorot id liou di tayam - Opupusan po ii rinait, koroton i tayam om pologoson i
raha koiyas id tana’ - Pogiuhupan mogonsok tayam
- Mogiilang do makan om kawasa oiton do muli walai
nung kiwaa topod - Tulun nopo di minanahak do sogit nga’ au kawasa
mooi pangakan di tayam
KALAPAS
ABABAYAN
MONOGIT - Kapanandakan mangakan balanja toi ko’ tadau
pisasawaan
(Kawasa nodii potilombuson o pisasawaan)
Pomolingkuman, Suul Om Bagas
Sabaagi pomolingkuman, nokito do kooturan adat montok pisasawaan miobpinai
nopo diti nga’ kakal po powonsoyon id taatanga tinaru Dusun Bundu id Kampung
Tomis Mangi Pangi Tamparuli, Sabah. Tumanud ponoriukan, nokito do kiwaa 10
kawo sogit ii koontok montok pisasawaan miobpinai tulun Dusun Bundu hilo id
Kampung Tomis Mangi Pangi om kawo sogit di koontok montok toisoiso’
pisasawaan nopo nga’ mogisuusuai tumanud piinsamakan piobpinayan.
Kapanahakan nopo do sogit diti nga’ nointutunan nogi sabaagi ababayan monogit,