Tuis. 01

Januarie 2017 tuis 107

Hou oorgroeide

rose in toom

Tem jou rose

Take vir elke streek

Somerreënstreek As dit al gereën het sny

jou rose terug of dun die lote uit indien

dit te dig groei. Maak twee tot drie keer

per week goed nat bemes met Vigorosa

en spuit met Ludwig’s Insect Spray

gemeng met Chronos of Rose Protector

om swamsiektes en plae in toom te hou.

Maar moenie terugsnoei as dit nie reën

nie en daar waterbeperkings is. Maak nat

met gryswater en strooi deklae. Spuit met

Ludwig’s Insect Spray teen ligte infestasies

van rooispinnekop en ander plae.

Kaapse kusstreek Gebruik gryswater

terwyl vlak 3-waterbeperkings geld en volg

die raad hierbo. As die waterbeperkings

opgehef word kan jy rose met ’n goeie

blaarbedekking liggies snoei. Maak twee

tot drie keer per week goed nat bemes

met Vigorosa en spuit met Ludwig’s Insect

Spray om plae in toom te hou.

Laeveld en KwaZulu-Natalse kus Soos

in die ander streke hang jou roossorg af

van die reën. Rose kan op net ’n emmer

of twee water een keer per week oorleef.

Moenie dooie blomme afsny of die struike

snoei nie want dit sal hulle laat uitloop.

Indien dit goed reën bemes met Vigorosa

en spuit teen plae en swamsiektes.

Op tuis.co.za wys Ludwig hoe jy ’n

roos moet plant.

‘Purple Glow’

V: Ek wil my ‘Purple Glow’-roos oorplant maar

dis oortrek met knoppe. Is dit ’n probleem?

Dis baie beter om ’n gevestigde roos in

die winter te skuif wanneer die plant se water-

behoeftes minimaal is aangesien dit ’n paar dae

neem om nuwe haarwortels te maak. Dis nie die

beste idee om ’n ouer roos in die somer oor te

plant nie. Die wydverspreide wortelstelsel word

afgekap en die blare sal binne minute verwelk.

Die kanse is skraal dat jou roos in die nuwe

posisie sal groei. Jonger rose sal die proses ’n

bietjie beter hanteer solank jy dit met ’n groot

wortelbal met genoeg haarwortels uitgrawe. Sny

nietemin al die knoppe en groeipunte ’n week

voor die tyd af sodat die oorblywende blare

ontwikkel en nie verwelk wanneer dit opgegrawe

word nie. Maak die wortelbal baie goed nat en

plant dadelik oor.

V: Kan ons gebruikte teesakkies rondom ons rose

sit en sal dit skadelik wees as daar suiker by die

tee gevoeg is?

Gebruikte teesakkies is ’n uitstekende deklaag

en word mettertyd nuttige kompos. Suiker as sodanig

is nie plantkos nie – maar jou plante sal nie skade

opdoen as daar suiker-oorblyfsels in die teesakkies is

nie.

Teen Januarie toring hoog groeiende

rose al oor ons kop wat dit moeilik

maak om hul skoonheid te waardeer.

Een manier om dit weer ’n hanteerbare

hoogte te kry is om gesonde lote oor

twee of drie weke korter te sny.

Voor jy ’n loot korter sny maak

seker daar sal gesonde groen blare

onder die snit wees. Moenie ’n loot kaal

los nie; dit sal sonbrand opdoen en

doodgaan.

Sny die loot onder die beginpunt

van die boonste deel af. As jy na die

loot kyk sal jy duidelik sien hoe dit

sedert sy snoei in Julie gegroei het.

Moenie als op een slag snoei nie;

dit sal te min blare los wat dan die

sapvloei sal affekteer en die plant onder

druk plaas. Sny eerder ’n loot of twee

oor ’n tydperk van drie weke af; dit

verseker dat die sapvloei nie so erg

versteur word nie.

As jou hoog groeiende roos se

blare afval moenie terugsnoei nie – sny

eerder net liggies aan die boonste groei

knyp groeipunte af en snoei enige dooie

lote uit. Sodra die onderste lote

uitgeloop het en minstens vyf blare

aanhet kan jy tot net bo die nuwe

lote terugsnoei.

Hou in gedagte dat party rose

altyd hoog sal groei; jy kan nie ’n roos

dwing om iets buite sy aard te doen nie.

Om ’n roos terug te snoei is net ’n

tydelike oplossing. Indien jy per

ongeluk ’n lang roos voor ander korter

rose geplant het wag tot Junie en skuif

dit agtertoe in die bedding of na ’n

nuwe plek.

Besoek ludwigsroses.co.za en stuur vrae na [email protected].

Ludwig se

rooshoekie

Die rooskenner Ludwig Taschner vertel

wanneer jy rose moet verplant en gee

wenke oor hoe om oorgroeide rose te tem.