Tuis. 01

106 tuis Januarie 2017

NUUT IN DIE KWEKERY

Anyshisop met sy heerlike drop-

geur mentagtige blare en spits

laventelblou blom-are staan ook

onder tuiniers bekend as

dropment.

Kweek dit so Dié geharde droogte-
bestande plant hou van volson en vrugbare
grond wat goed dreineer. Sodra dit
aangepas het groei dit vinnig; tot 50 cm
hoog en 40 cm breed. Gebruik dit agterin
’n bedding met Japannese anemone en
klokkiesblomme of in jou kruietuin saam
met knoffel-grasuie origanum en tiemie.
Dit blom einde somer tot in die herfs.
Gevestigde plante saai hulself maklik en
die saailinge plant maklik oor.
Wenk van die maand Plante vaar beter in
die wintermaande as hulle nie voor die
lente teruggesnoei word nie.
Het jy geweet? Bye en skoenlappers is mal
oor die blomme.
Algemene probleme Die plante kan
meeldou opdoen as dit te veel natgemaak
word of as grond nie goed dreineer nie.
Gebruike Die blomme lok bestuiwers na ’n
tuin; hulle droog ook maklik en behou hul
geur wat dit perfek vir potpourri maak.
Krummel die blomme en gebruik dit in
slaaie of maak ’n verfrissende kruietee van
vars of droë blomme en blare.
KONTAK healthyliving-herbs.co.za

Anyshisop

(Agastache foeniculum)

K R U I VA N

DIE MAAND

Tiarella ‘Appalachian Trail’ is ’n

spreidende grondbedekker met

kleurryke blare van verskillende

vorms asook mooi blomme.

Omdat dit so laag en sprei-

dend groei (10–30 cm hoog en

60–90 cm wyd) is dit ook geskik

vir hangmandjies en houers. Die

plant kan in volson of gedeelte-

like skadu groei en is gehard

en droogtebestand. Interessant

genoeg verander hul kleure en

patrone na gelang van die seisoen

en hoeveel lig dit kry. Gebruik

dit as plaasvervanger vir klimop

met ’n veel minder indringende

groeiwyse. Tiarella ‘Appalachian Trail’

Huisplant van die maand

Moenie jou laat flous deur dié fyn skoonheid nie! Die

Phalaenopsisstaan ook bekend as die “beginner se

orgidee” omdat dit so gehard is en maklik binnenshuis

groei. Hier is die geheim: Sit een keer per week twee

ysblokkies (ja ysblokkies!) bo-op die potgrond. Dis al

natmaak wat dié plant nodig het; terwyl die ys smelt syfer

die water stadig deur die grond. Die beste plek vir jou

orgidee? Helder indirekte lig (geen sonlig nie) en weg van

enige trekke. Dit sal tot vier maande lank blom dan kan jy

dit hou as ’n groen plant wat volgende jaar weer sal blom.

Tuis-hoogtepunt!

Mot-orgidee (Phalaenopsis)

’n Lus vir die oog

In die somer is baie van ons inheemse orgideë te sien

in woude langs strome tussen fynbos in graslande en

seisoenale vleie omdat hulle tussen einde Desember en begin

Februarie op hul mooiste blom. Dié plante groei in die grond

of epifities op struike of boomtakke. As jy daarin belangstel

om ’n inheemse orgidee te kweek moet jy gaan inloer by die

Wild Orchids Southern Africa (WOSA) -konferensie wat van

20 tot 22 Januarie op die Dunkeld-landgoed by Dullstroom

Mpumalanga gehou word. Die tema van die konferensie is

“Getting to Know Our Orchids” en jy kan ’n uitstappie na die

Verloren Vallei-natuurreservaat meemaak waar tot 55 spesies

orgideë opgeteken is. Besoek wildorchids.co.za vir meer

inligting oor die konferensie.

Foto’s

Duncan McFarlane

Bonatea

antennifera

blom tussen

Maart en

Mei.

Eulophia

clitellifera

blom tussen

Julie en

September.

Habenaria epipactidea

blom tussen Januarie

en Februarie.

Eulophia

bainsii

blom tussen

Augustus en

Oktober.

Habenaria

barbetonii

blom tussen

Februarie en

Maart.