Tuis. 01

Januarie 2017tuis 77

WAT JY NODIG HET

• verf in Paris Grey English
  Yellow en Provence (opsioneel)


• groot ovaal kwas met
  natuurlike hare


• dik huishoudelike bleikmiddel


• skoon droë lappies


• latekshandskoene


• mengstok • skraper


• Clear Wax • kwas vir die was


• Dark Wax • Black Wax


• White Wax

1

5

2

6

34

78

So maak jy...

Haal die verfblik se deksel die

aand voor die tyd af sodat die

verf lekker kan verdik. Gebruik

die ovaal kwas en wend Paris

Grey in dik oneweredige lae oor

die hele meubelstuk aan. Dit sal

’n ruk neem om droog te word.

Wag tot die verf droog is en drup

die bleikmiddel plek-plek daarop.

Jy kan ook ’n skoon lap gebruik

om die bleikmiddel aan te wend.

Wees versigtig; dit kan jou vel en

klere beskadig – sorg dat jy

latekshandskoene dra.

Gebruik ’n lappie om van die

bleikmiddel te absorbeer. Dit

sal ook van die oortollige verf

verwyder.

Hoe langer jy die bleikmiddel

aanlos hoe meer verf verwyder

dit (dit sal wel mettertyd uitdroog

en as jy dit dan probeer afskraap

sal dit ’n ander soort merk los).

Skraap die oppervlak liggies met

die punt van ’n mengstok – hou

dit teen 45 grade vas – en werk

só dat die hout plek-plek wys.

Maak verskillende merke deur

harder en sagter met die stok te

druk.

Wend die English Yellow met die

ovaal kwas aan maar moenie

die hele oppervlak bedek nie.

Die verf behoort dik te wees

maar werk liggies sodat dit net

op die oppervlak sit. In dié

stadium het ek hier en daar

soos aan die onderste deel en

die randversierings ook ’n titsel

Provence aangewend.

Terwyl die verf nog besig is om

droog te word gebruik die rand

van die mengstok om van die

English Yellow af te krap; druk

hier en daar lekker hard. Hoe

harder jy druk hoe meer verf krap

jy af. Smeer dié dik verf dan aan

dele wat met Paris Grey bedek is.

Dis amper soos om met ’n

paletmes te werk.

Gebruik die skraper om nog

meer van die lae te ontbloot. Dis

veral nuttig wanneer die verf al

droog is maar nog nie hard nie.

AFRONDING Wend oraloor Clear

Wax aan en vee oortollige was

met ’n lap af. Ek het toe plek-

plek Dark Wax en Black Wax

aangewend met White Wax

oraloor om die effek van die

donkerder was te versag.

NNIE VERTEL “Soms kom ek af op ou afgeleefde meubels veral laaikaste met lae en
ae verf; dikwels is die nuutste laag ’n moderne helder kleur. Dit lyk amper asof iemand
ie verf wou afskraap en toe halfpad deur tou opgegooi het want al die verskillende kleure
is sigbaar. Ek hou baie van dié ‘toevallige’ lae merkies hier en daar en titsels kleur wat deurslaan.
“Dit verskil heelwat van die subtiele verweerde voorkoms van ou meubels wat in rustiger kleure
geverf is. Die helder kleure gee dit meer oemf en trefkrag. Ek hou veral daarvan as taamlik sterk kleure
gebruik is; dalk het dit iets te doen met my liefde vir moderne abstrakte skilderkuns.
“Dié ou laaikas met sy mahonie-fineerlaag was in ’n treurige toestand en vir die ashoop bestem
omdat groot dele van die fineer besig was om af te dop te kraak en op te lig. Dit het kapplekke en
sigaretbrandmerke gehad en van die randversierings het afgeval. Die kas moes op sy dag ’n pragtige
meubelstuk gewees het en nadat ek die fineerlaag plek-plek gelig en weggesny het en ’n bietjie
houtvuller aangewend het was dit gereed vir ’n laag verf of twee. Ek het dié metode ontwikkel deur met
die verf te eksperimenteer en ’n kombinasie van tegnieke te gebruik insluitend kwaswerk bleikmiddel
om die verf te verdun skraapwerk en was vir ’n wonderlik rustieke patina in die pakhuis-styl.”