Tuis. 02

Februarie 2017 tuis 101

plant van die maand tuin

Plantgids

VolksnaamPronkridderspoor
Botaniese naamDelphinium-spesies
Volson en halfskaduwee
Gemiddelde waterbehoeftes
Rypbestand Goeie snyblom
Groei 03–15 m hoog
Moet teen wind beskerm word

Bronne Flower Gardener deur Pippa

Greenwood; Maak tuin saam met

Keith Kirsten deur Keith Kirsten; Die

Suid-Afrikaanse Watter blom is dit?

deur Kristo Pienaar; Reader’s Digest A

South African Garden for All Seasons

met hoof-medewerker Jennifer

Godbold-Simpson

Pronkridderspoor

Pronkridderspore (Delphiniums)
blom in skakerings van blou
pienk pers en ook wit op lang
stele bo die plant se blare. Ritse
blomme wat van onder af oop-
gaan verskyn in die laatlente en
blom tot die somer. Dié plante kan
meer- of eenjarig wees.
Pronkridderspore verkies koel en
klam somers en aard nie goed in
baie warm en droë dele van die
land nie. Hoewel jy dit in die
koeler streke in volson kan plant
is ’n plekkie met gedeeltelike
skaduwee beter vir hulle in warmer
dele. Stut die plant namate dit hoër
groei sodat die steel nie knak of omwaai
in die wind nie.
Dit hou van ryk goed gedreineerde
grond met baie kompos. Plant
saailinge – dis in sespakke beskikbaar
by kwekerye. Die plante kan wel van
saad groei maar nie al die soorte is ewe
maklik om so aan die groei te kry nie. Daar
is ook dwergvariëteite beskikbaar. Lees die
etiket op die saailingbak of saadpakkie om
seker te maak die een wat jy koop sal die
hoogte bereik wat jy verkies.

Hoog hoër hoogste!

Plante wat blomme aan lang

slanke stele dra vang dadelik

die oog en gee hoogte aan jou

bedding. Baie van dié plante

soos vingerhoedjies (Digitalis

purpurea) stokrose (Alcea

rosea) en pronkridderspore

(Delphiniums) is oortrek met ’n

rits individuele blomme wat

geleidelik van onder af oopgaan.

Dit maak dat die plant lank met

blomme spog.

Ander waaronder sonne-

blomme (Helianthus annuus)

kantblomme (Ammi majus)

en Jerusalem-artisjokke

(Helianthus tuberosus) dra

weer ’n blom of twee hoog bo-

op hul stele.

Dit is nie nodig om plante wat

hoog groei agter in ’n bedding

te plaas nie. Plant dit aan die

kante of in die middel vir ’n

treffende fokuspunt. Dié plante

lyk mooi in ’n kothuistuin en

in meer formele beddings waar

dit in groter groepe bymekaar

kan staan.

PLANT OOK

• Artisjokke (Cynara scolymus)


• Spinnekopblomme
  (Cleome spinosa)


• Trompetlelies
  (Lilium longiflorum)


• Vinkel (Foeniculum
  vulgare)


• Watsonia-spesies

Wenk As die pronkridderspore jou opdraand
gee saai of plant ridderspore (Consolida
ambigua). Hulle groei makliker van saad en is
ook as saailinge in sespakke te koop. Ridder-
spore blom in die lente in skakerings van pienk
pers of wit en sorg vir ’n soortgelyke vertoning
as pronk ridder spore. Dit groei sowat 60 cm
hoog en is ’n goeie snyblom.