Tuis. 02

Terwyl ander mense wonder wat hulle vir aandete gaan berei oes

Christine Veen vars groente en kruie uit haar tuin.

Deur Maryke Roberts • Foto’s Peter Rimell

Christine en Ton geniet die lafenis wat hul
groot tuin in Somerset-Wes hulle bied. En
vandat hulle ’n smal onbenutte lappie gras
langs hul huis in ’n kombuistuin omskep
het is die varsheid van ’n paar sonryp
tamaties of ’n takkie pietersielie vir hulle ’n
kosbare kleinood.
Dié groentetuin – ’n regrukprojek wat
Christine verlede jaar vir ons Regruk met
Flair-kompetisie ingeskryf het – is maar
enkele maande oud maar die Veens vertel

hulle kan hul lewe nie meer daarsonder

voorstel nie.

“Ek Ton en ons tuinier Gibson Msipha

het die groente- en kruietuin self aangepak.

Dié stuk grond was die laaste gedeelte van

ons tuin wat aandag moes kry. Ons hou

daarvan om dinge self te doen en wou die

groentetuin self uitlê.”

Die Veens wat voorheen in Johannesburg

gewoon het het in 2004 die erf in die

Bel’aire-landgoed gekoop. Nadat die

bouwerk klaar was het hulle die groot tuin

rondom die huis deur ’n landskapargitek

laat uitlê maar die groentetuin was hul

“naweekprojek”.

“Naweke is ons doen-tyd” vertel

Christine. “En ná die werkery steek ons

graag op ’n Saterdagmiddag ’n vuur aan vir

’n braai skink ’n glasie wyn en bewonder

ons handewerk.

“Ons is ’n goeie span. Ons rol maklik die

moue op en spring in” sê sy. >>

Die pronkertjies in die middel

van die tuin is nie net ’n pragtige

fokuspunt nie die blomme se

reuk vul ook die lug en trek deur

die Veens se huis.

Die stuk grond waar die

groentetuin nou is lê teen

’n helling. Die enkellaag

keermuurblokke (links) is jare

terug toe dit nog grasperk was

so gepak om twee vlakke in dié

deel van die tuin te skep – op

die hoër vlak groei wingerd waar

Ton wat homself ’n garagiste-

wynmaker noem sy druiwe oes.

Februarie 2017 tuis 103