Tuis. 02

Februarie 2017 tuis 109

LEER BY LUDWIG

Speel klaar met

rooispinmyt

Gooi ou rose blare af?

Take vir elke streek

SomerreënstreekHou beddings onder

deklae en maak twee keer per week goed

nat indien moontlik. Gee op warm dae

eers saans water; dit koel die plante af en

omdat die blare gou droog word is daar ’n

kleiner kans vir swamsiektes. Wag tot die

einde van die maand wanneer dit koeler

is om met Vigorosa te bemes. Spuit met

Chronos of Rose Protector teen swartvlek

indien dit vir lang tye reën.

Kaapse kusstreekStrooi deklae en maak

twee keer per week goed nat. Knyp dooie

blomknoppe af indien nodig maar moenie

te veel blare verwyder nie; die plant het dit

nodig vir skadu en koelte.

Laeveld en KwaZulu-Natalse kusStrooi

deklae en maak twee keer per week goed

nat indien moontlik. Bestry plae en swam-

siektes weens die humiditeit met Ludwig’s

Insect Spray en Chronos of Rose Care.

Kyk hoe Ludwig die verskillende roossiektes

verduidelik op tuis.co.za.

‘Bewitched’

‘Burning Sky’

V: Ek wil graag waterwys tuinmaak en my bedding

‘Burning Sky’- en ‘Bewitched’-hibried-teerose met

’n drupstelsel natmaak. Is dit ’n goeie idee?

Daar’s ’n paar redes waarom drupbesproei-

ing nie ’n goeie opsie vir roostuine is nie. Tydens

’n droogte groei die wortels nader aan die drupper

maar met langdurige reën sal nuwe wortels

ontwikkel en in voorheen droë grond uitstrek net

om weer terug te krimp wanneer die reënseisoen

verby is. Jy kan dit vermy met twee of drie spuit-

punte per roos. Die spasiëring hang af van jou tipe

grond. In kleigrond sal die water sywaarts loop wat

die besproeide area vergroot; in sanderige grond

wat gou dreineer het jy weer meer druppers nodig.

Druppers kan ook verstop raak en dit kan lastig

wees om so baie druppers na te gaan. Jy sal ’n

probleem dikwels eers agterkom wanneer die roos

amper of klaar dood is weens ’n gebrek aan water.

Dis ook nie raadsaam om korrelkunsmis toe te

dien nie tensy dit goed gereën het of jy bereid is

om ’n paar keer met die hand nat te lei nadat jy jou

rose gevoed het.

V: Kan ek my rose natmaak met gryswater uit

die stort bad en wasmasjien?

Ja jy kan want rose gedy blykbaar op

gryswater. Maar dis tog ’n goeie idee om af en

toe met kraan- of reënwater nat te maak sodat

enige oorblyfsels van die skoonmaakmiddels kan

wegspoel. Ek raai jou ook aan om bio-afbreekbare

omgewingsvriendelike produkte te gebruik.

Rose is taai en daar is baie min dinge

wat hulle doodmaak behalwe as hulle

hul blare afgooi weens swartvlek of ’n

rooispinmyt-infestasie. Die son brand

op die kaal stele wat dan in kanker

oorgaan.

Spinmyt-aktiwiteit is ’n goeie teken van

droogte oftewel ’n vertraging in sapvloei.

Maar dit kan ook gebeur ná reënweer

indien die water nie wegloop nie; dit

laat die haarwortels doodgaan. Die roos

neem dadelik minder water op en die

sap bevat meer gekonsentreerde suikers

ensovoorts. Dis die teken vir die myt om

eiers te begin lê.

Hou hiervoor dop:

• Die blare kry fyn geel stippels van die
  basis af boontoe. Wanneer jy dit oplet
  pluk ’n blaar hou dit teen die lig en
  ondersoek die onderkant. Gebruik ’n
  vergrootglas as jy een het.


• Indien jy enige klein swart of rooi
  spikkels sien (hulle kan beweeg) dan is
  dit ’n rooispinmyt-infestasie. Nog ’n teken
  is spinnerakke op die rose maar dan is
  die infestasie al goed gevorder.


• Die myte suig die chlorofil uit die blare
  wat dan ophou fotosinteer bruin verkleur
  en afval. Daarna beweeg die myte hoër
  op na die volgende groen blare.
  Wat jou te doen staan:
  Trek die blare af wat die swaarste
  aangetas is. Spuit die onderkant van die
  oorblywende blare met ’n doeltreffende
  doder soos Milbeknock en maak
  seker dis goed deurdrenk. Herhaal die
  behandeling vyf dae later om enige nuwe
  myte dood te maak.

Besoek ludwigsroses.co.za en stuur vrae na [email protected].

Ludwig se

rooshoekie

Die rooskenner Ludwig Taschner gee

wenke oor hoe om water te bespaar en

steeds genoeg vog vir jou rose te verseker.

Woon een van dié gratis somersorg-

demonstrasies vir rose by:

21 Januarie: Ludwig’s Roses

Kaapstad (14:00)

21 & 22 Januarie: Ludwig’s Roses

Wynland (Saterdag om 10:00 en

Sondag 10:30)

18 Februarie: Ludwig’s Star Roses

Hillcrest Durban (10:30)

Vir nog inligting besoek

ludwigsroses.co.za.