Tuis. 02

Genoeg vir 8

Bereidingstyd: 45 minute

Gaarmaaktyd: 20 minute

•5ml suurlemoensap

• sowat 6–8 klein appels geskil en in
  blokkies gesny


• 125 ml sultanas in rooibostee geweek


• 5 ml fyn kaneel


• 5 ml gemengde speserye


• 65 ml ligte bruinsuiker


• sowat 100 ml botter gesmelt


• 4 velle fillodeeg
  KARAMELSOUS


• 125 ml suiker


• 125 ml kookwater


• 250 ml room


• ’n ruim knippie seesoutvlokkies


• 15 ml botter


• ’n sopie brandewyn of whisky
  (opsioneel)

1 Voorverhit die oond tot 180 °C. Meng die

suurlemoensap deur die appel om te keer

dat dit verkleur en voeg die sultanas by.

Meng die speserye en die suiker in ’n aparte

bakkie. Verhit sowat 30 ml botter in ’n groot

pan en voeg 50 ml van die speserysuiker by;

verhit tot skuimerig. Voeg die appels by en

roer tot dit begin ligbruin braai en sag word.

Laat effens afkoel.

2 Sit twee velle fillodeeg langs mekaar op ’n

skoon werkoppervlak neer en sit nog ’n vel

bo-op elkeen. Sny elke stapel in kwarte (dus

8 in totaal) en verf die rande met botter.

Verdeel nou die vulsel tussen die 8 deeg-

velle – skep dit in ’n dun strook op een kort

sy. Vou die punte aan weerskante oor die

vulsel en rol op in netjiese rolletjies. Pak die

rolletjies op ’n gesmeerde bakplaat en verf

mildelik met die botter. Sprinkel die

oorblywende speserysuiker oor en bak vir

sowat 20 minute of tot goudbruin en bros.

3 Maak die karamelsous Meng die suiker

en water saam in ’n klein kastrol oor matige

hitte en roer tot al die suiker opgelos is.

Verhoog die hitte en bring tot kookpunt.

Laat kook sonder om te roer tot die suiker ’n

karamelkleur begin kry. Hou die kastrol

mooi dop en skud dit af en toe as jy sien dit

verkleur vinniger op een plek anders kan

dit brand voordat die hele stroop ’n diep ryk

karamelkleur kry. Sodra die karamel gereed

is giet die room versigtig by – wees

gewaarsku dit gaan spat! Roer nou oor

matige hitte tot al die karamel weer gesmelt

het en die sous glad is. Verwyder van die

hitte. Klits die sout botter en brandewyn

by en giet deur ’n siffie in ’n mooi beker

vir voorsit.

Appel-en-kaneelrolletjies met soutkaramelsous

118 tuis Februarie 2017