Tuis. 02

80 tuisFebruarie 2017

raad

Wil jy ’n houtvloer laat installeer? Of wil jy ’n groot trap minder

prominent laat vertoon? Vra net – ons kry die antwoorde.

Saamgestel deur Kim Arendse

Die Tuis-redaksie probeer alle vrae beantwoord maar kan nie op elkeen persoonlik reageer nie. Tuis behou die reg om vrae te redigeer.

Vra die kenners

Wat jy alles van

houtvloere moet weet

Klaas Mokaba van Polokwane Limpopo skryf

Ons is besig om ’n huis te bou en nadat ons in ’n

vorige uitgawe van Tuis ’n foto van ’n houtplafon

(en vloer as dit ’n dubbelverdieping is) gesien het

oorweeg ons iets soortgelyks. Ek het nog nooit ’n

houtvloer gehad nie en wil graag meer daaroor weet

soos hoe duursaam dit is en hoe om dit te onder-

hou. Kan julle help?

Frikkie Greeff van Woodoc

ntwoord Die algemeenste hout

at in Suid-Afrika vir vloere gebruik

ord is Suid-Afrikaanse denne-

out saligna of meranti maar daar

s ook ander (duurder) opsies

dien jou begroting dit toelaat.

Afhangend van die soort hout

wa jy kies kan it goedkoper uitwerk as die tweede

algemeenste opsie: beton wat tipies ’n afwerking

soos teëls of ’n mat nodig het.

In die geval van ’n houtvloer-en-plafonkombinasie

soos dié van die dubbelverdiepinghuis wat ons

gewys het moet ek benadruk dat ’n professionele

ontwerp deur ’n argitek of siviele ingenieur van die

allergrootste belang is. Dit is ook noodsaaklik dat ’n

gesoute bouer die werk doen om te verseker die

vloer is stabiel en sterk genoeg vir die beoogde

gebruik.

Onder die voordele van hout tel die natuurlike ryk

warm tekstuur en indien dit goed versorg word word

dit met verloop van tyd net al hoe mooier. Dis ook

duursaam en kan ’n leeftyd hou. Omdat hout

organies en nie-elektromagneties is trek dit minder

stof aan en is dit minder geneig om allergene of

swamme te huisves wat allergieë kan veroorsaak.

Die nadele is dat dit gereelde onderhoud verg in

dele met hoë voetverkeer; dit moet volgens die

toepaslike bouregulasies vooraf behandel word teen

termiete en ander insekte; indien dit nie reg verseël

is nie kan dit waterskade opdoen; en omdat dit

vatbaar is vir skade in areas met hoë voetverkeer

moet dit voor gebruik behoorlik geskuur en verseël

word om dié risiko te verlaag.

Stuur jou vrae na [email protected]