Suid-Afrika is geseën met ’n magdom

verruklike inheemse plante met geurige

blomme en blare. En omdat herfs die beste

tyd is om hulle te plant kan jy gerus een

van dié plaaslike skoonhede vir jou tuin

oorweeg.

# 1 Stinkbossie

Plectranthus neochilus het dik grysgroen

blare wat skerp ruik en spog van

September tot April met mooi blou en pers

blom-are. Die plant is ’n ware steunpilaar in

die tuin – dit groei so te sê enige plek en

sal oorleef én gedy waar baie ander kwyn en

doodgaan. Dis ’n droogtebestande grond-

bedekking wat vinnig groei – tot 50 cm hoog

en 60 cm wyd; dit hou van volson maar

verdra ook ligte en volskadu. Plant dit in

goed gedreineerde grond. Die bossie sprei

grondlangs en steggies skiet maklik wortel.

# 2 Wildejasmyn

Jasminum multipartitum dra van die lente

tot in die somer wit stervormige blomme

met ’n soet geur; voor die blomknoppies

oopgaan het hulle ’n bekoorlike pienk of

rooi tint. Dié ranker groei sowat 2 m hoog en

lyk pragtig oor ’n prieel of traliewerk. Dit

vaar die beste in halfskadu en grond wat

goed dreineer en reageer goed as jy gereeld

organiese materiaal by die grond inwerk.

Die plant sal ligte ryp weerstaan maar plant

dit in koue tuine liefs in ’n beskutte hoekie.

Dit groei in die son of halfskaduwee en vaar

goed in potte. Gevestigde plante is redelik

droogtebestand maar wil tydens droogtes

goed natgemaak word.

3 Witkatjiepiering

Gardenia thunbergia is ’n pragtige
immergroen struik of boompie wat sowat
2–5 m hoog groei. Sy welriekende spierwit
blomme wat in die middel- tot laatsomer
verskyn is veral geurig in die aand. Hoewel
dit maklik is om die struik te kweek is dit ’n
stadige groeier. Die plant hou van ’n plekkie
in die son of halfskaduwee en effens suur
goed gedreineerde grond. Voeg heelwat
organiese materiaal by die grond en maak
gereeld nat; ’n dik deklaag sal voordelig
wees. Witkatjiepiering is ook ideaal vir potte.
Die plant is taamlik droogtebestand maar
as dit te droog word kan dit blomknoppe
afgooi voor hulle oopmaak. Beskerm jong
Foto’s met die vergunning van Kirstenbosch Nasionale Botaniese Tuinplante teen ryp. >>

GEURIGE BLOMME

Witkatjiepiering

Het jy geweet?

Die groot vrugte van die

witkatjiepiering kan jare lank

aan die struik bly sit sonder

dat dit bars of oopbreek. In

die natuur sal olifante groot

ďŽŬƐŽŽƌƚĞĞŶďƵīĞůƐĚŝĞ

vrugte vreet; andersins verg

dit menslike ingryping om die

sade vry te stel en te versprei.

Maart 2017 tuis 101

geurplante tuin

GEURIGE BLOMME

Wildejasmyn